كل شخص " يمص دمك"
هذا ينهب .. هذا يسرق!
ذاك يسحب حتى كمّك !
هذا يغلق ياخي فمك!
ووإنت يامسكين واقف!
أففففف ياخي .. بس شايف؟
_____________________________
بحار الأندلس تبكي وطارق آه ياطارق
مثل ما اسلامنا سلعه .. غدت أمجادنا سلعه
جبل طارق ..
بكينا دمّ !
وهو مأسورٍ وغارق
_______________________
هنا كانوا لنا أجداد هنا نرفع مآذنّا !
هنا والله بعناها .. وباقي بس جبل طارق!
____________________-
ماكنّها إلا طفلةٍ .. تسرق الماء!
شيطانة الخدّين ، حورية العين!
تتبلل ب وسطه ، تناديه بـ اسماء!
والماء يغازلها وهي بين غصنين!
_____________________________
تنام خلق الله .. والهمّ مانام!
ذيبٍ نوى ينهش صدور المساكين!
تخيّل اني نمت .. وتفّز الاحلام !
والله صحّتني .. مثل طعن سكين!
_________________________-
كل يوم أشيل الصبح ويطير عصفور!
كم غصن مثمر " مال" واهتّز " موال
في كل أرض الله .. يعزف لي النور !
وبكل سماء تطل غيمه .. وتختال !
_____________________-
أقذر عباد الله رجلٍ بلا دين!
يقتل ولد عمه لجل خاطر اعداه
الله اكبر يخلط الدم بالطين !
الدم غالي يااسود الوجه والله
__________________________--
كم كلمةٍ بالصدر عاثت .. وعاشت!
ماقلتها والله ... خوف الملامه !
وش عاد لو هي دمعةٍ غصب طاحت!
قد طاح عمر .. ولكن الراس هامه!
_____________________________
يارجل الأمن " الطّيب"
من خير الله إحنا بخير
شوفة عينك .. ياحبيّب!
ودي أضمك بس .. يصير؟
________________________-
حتى الصباح اللي يجيبك " أناشيد"
أو شي ثاني ..فيه أجمل حكايا !
أهلاً صباح الحب .. ياباشة الغيد !
أيّة هدايا ؟ .. إنتي والله الهدايا
________________________
نصبوكم يالحثالة من وجوه المجتمع!
وإنتم وربي حثاله لو لبستوا هالبشوت!
بشتٍ وسبحه ولكن فيكم يعج الطمع!
ياحديث الشارع الوهمي يحرككم ريموت!
____________________________
هاتي يدينك ..
ودي آشكّل الغيم !
نرسم على وجه السحابه.،
حكايا !
هاتي يدينك ..
شايفه نجمة سهيل؟
طفلين فيها يركضون
ويغنّون!
لفي يدينك.. غمّضي!
______________________________
طفلةٍ تآخذ من الماء .. الكثير!
فاتنة ..متشيطنه !
مسرفه ..بدلالها!
حسبي الله..وش أقول؟
كل ماقلت المطر..
قالت يطير؟
تحسب إن الكون يشبهها
صغير!
_________________________-
مامات طفلٍ قدّ ماماتت شعوب!
وشلون نمتم ياعرب نوم راحه؟
طفلٍ بريء يموت هارب من حروب!
وحيد حتّى.. غارقٍ مع جراحه!
_______________________________-
والله ماابغى شيّ!
بهديك ورده!
حتى فلوسك ياأخي
خبها لك!
ودي تحس الورد
وش قد هو حيّ
عشانه أجمل
.. وانت جوفك جمالك!
__________________________
كم شيخ ظنيته .. طلع مفلس أخلاق
كم شخص بالدنيا حضنته .. طعنّي!
كم نص ياخي أكتبه لكن .. انباق !
العيب في الدنيا .. او العيب منّي ؟
_____________________________
مطر
مطر
مطر
مطر
وتبللت عيني
مطر !
ياغيمتي !
ياحلوتي !
يازهرة الديم القُزح !
قنديلتي !
يابسمتي !
يارسمة أرذاذ البَرَدْ !
بَرَد ْ !
بَرَدْ !
__________________________-
قومي
طيور الأرض تنده جبينك!
قومي
لأن الصبح في عينك أحلى!
قومي
أحس الكون عازف معه عود!
يعزف
وعزفه لحن شادي وغيمه !
__________________________--
عليك أقلق..
كثر ماتقلق أم الطفل !
عليّ إرفق!
وانا شايلك فيني.. حِمل!
أخاف الريح لامرّت ..
تمر وتخدش خدودك!
تخيّل بس ..
كيف أقلق!
_____________________________
ماهي مثل باقي البنات..
والله هذي .. تاجهن !
هي جْمعت .. كل الصفات!
واللي بقى .. تْوزَع .. لهن!
الماء هي..هِيّ النبات!
لا لا أبد .. مو مثلهن!
_________________________________
إبتسم .. هالشيب نور !
والتجاعيد الجميله .. هذي أضواء السنين!
إبتسم وتصير أجمل!
آخ ياهذا الكبير !
قد إيش الضحكه " غير"
____________________________-
البارحه مرّت " أحبك" بصدري!
حاجز وحاجب .. زحمه وشفت حرّاس!
حاولت أخبيها.. " عطر ورد يغري"
فاح العطر .. لينه فضحني مع الناس!
_______________________________
قلت أغني !
قلت أغرد للمطر !
للغيوم وكل نجم !
للقمر لليل .. لك!
وينك إنتي؟
شوفي سطري .. ديم يمطر!
شوقي لك .. والله أغزر
____________________________-
ثرثرة هذي المباني
متعبه!
كني أسمع صوتها
باابوابها!
هالشبابيك الحزينه
..في الحجاز!
ترتسم لي وجه أنثى
مقفيه!
__________________________
قد إيش الكون .. أجمل !
ماتحس الغيم .. طفل ؟
____________________________
الراحلين اللي رمونا لـ ذكرى !
مافكروا فينا .. غلط ننتظرهم !
يامحمّد اللي بدلوا النور ظلمى!
حقٍ على الذكرى " تقطّع صورهم"
________________________________
كانت هنا..لالا هنا..كانت هناك!
ياكثر ماكانت بكل الأماكن!
كانت تقول أن لامس الخد يمناك!
أعود طفله..ترقص بثوب فاتن!
________________________
ثمرة..ماء !
والأسماء..والضوضاء !
والاشياء..والصحراء !
نحنُ .. نحنْ!
هذا الطين..هذا الماء !
ممّا نُخلق؟
ماءٌ .. ماء
__________________________
أبد .. عادي !
وجع في القلب !
وكم في داخله .. أشياء!
أبد .. عادي !
وجَع غادي !
يجوز إنه تعب منّي !
تعب من طيبته .. يمكن!
أبد عادي!
وباقي يحب!
_____________________
كل شي يمر .. اعرفه!
هذي ريح .. وذي مباني!
والبعيد هناك .. ظلّ!
ذا رصيف .. وهذا نخل!
إلا وجهي!
وين وجهي يالغياب!
آه من كل الغياب!
___________________________________
وإذا غصني غدا مايل !
يصير تروح ياعصفور؟
سنين لحضرتك شايل !
كذا بالله مو معذور ؟
____________________________
لو قلت بجلس آخر المجلس أحيان!
القيمة العُظمى ب صدر الرجاجيل !
قلت إنزوي عن غيبة فلان وفلان !
ماهو مقامي لاغدا قالٍ وقيل !
__________________________
ياراسي اشمخ ماانخلق من يوطيك!
لله تنزل هامتك بس ياراس!
عزالله إني عشت عمري معلّيك !
وان ضاقت الدنيا .. فلا باس لاباس!
_____________________________
تحت المطر كنّا صغار وبريئين!
وأحلامنا فـ الماء نسوي دواير
كنت انتظرها نبني بيوت من طين
واذكر اذا جتني من الفْرح طاير!
_________________________
كنت أجمل/كنت افضل!
يوم غيرك..صار أبخل!
كنت أبهى/ عطر يبقى!
وكم ورود" تموت-تذبل"
لو أبمدح / أو أبكتب!
كيف أوصف عطر مذهل؟
إنت أجمل
والله أجمل
______________________________
ذكريات .. وأمنيات!
يوم ماكنّا نفكر!
والشغب منّا تفّجر!
والحكي منا يتعطر!
والله إنّا كنا أجمل!
ياا حكايات الطفوله
فاتنه بيضا خجوله
___________________________________
الله خلقها طفلةٍ .. غير هالناس!
حورية الغيمه .. وترتيلة الصبح !
الجوري اللي لاكسى جفنها نعاس!
تحس كل الورد منها تفتح !
_____________________________-
ماهي مثل باقي المدن !
طفله مليئه بالشجن !
دلوعة الغيم .. العتيق!
والمدح لعيونك .. يليق!
________________________--
يالله عسى هالجرح صبحٍ وغادي!
ماانت الوحيد اللي يخونه مكانه !
إيديك لامن تضرب إيديك عادي !
الراس مايُحنى .. ولاقلّ شانه !
________________________
مامات طفلٍ قدّ ماماتت أُمه!
مع انها ماتت من اعوام واعوام!
الطفل له ربه وحرقه يلمّه !
المشكله اوطان ابنائها ايتام!
_________________________________
هي أوقفت على الرضيع ؟
القدس تُحرق من سنين !
طفل أحرقه ضبعٍ وضيع
وبلاد باعوها ب دين!
______________________
مجرّد .. شاعر
مشرّد!
يمّر وجوه خلق الله !
يرش صدورهم بالماء !
مجرّد شاعر .. مشرّد!
يمر بشارع الأوراق !
يفيق الصبح .، بس مافاق!
__________________________--
كنت لك كل الحياة !
واعتكزتي بـ اضلعي!
كنت لك ابٍ وأم !
ماهو مجرد حبيب!
لكن إنتي " مثل أعمى"
منهو أبصر !
قام يكسر في عصاه!
_____________________________
مريتنا مثل البخور
طيبه من عروقه معاه
نكتب محبتنا سطور
ونقرا ونكتب آه آه
____________________________
داعش هذي
فوضى " حمقى"
داعش
" عش لكل المرضى "
داعش .. ماتملك مبدأ!
داعش هذي
" سم الأفعى"
ماهم ناس " ذولا فاس"
فأسٍ عاري!
يبتر شجره!
________________________
ضد القتل .. وضد الفوضى!
ضد إنّا .. نحرق هالحَرث!
ضد إنّا .. نفسد بالأرض!
كيف المسلم .. يقتل مسلم؟
ياداعش
" باطل باطل"
_____________________
اللي تلاعب في فؤادك له سنين!
ويعاهدك بالحب مادام حيين !
يارب من عاهد بعهد المحبين !
لو هو نكث تكويه يارب: آمين!
_______________________
والله مدري من التعب..وشهو آشيل!
اشيل فقري ..أو بقايا عظامي !
صورتني؟ تبغى إشاده وتطبيل !
وانا بغيت الماء.. والله ضامي
_______________________
يارب وإن قدّرت لحظة وفاتي!
وإنت الرحيم وغافر الذنب يارب
يارب خذني ساجدٍ في صلاتي
يمكنها تشفع لمن ممتلي ذنب!
__________________________
وشهي يدي " لو تمد .. الـ لا ؟
لو كنت ماأملك...الأشياء !
أفزع .. ولو .. شربتين " الما"
أنا المطر ... أكرم " الأسماء!
______________________________
ماعاد تفرق .. وان غزا شاربي الشيب!
لا الناس ناس ولا .. ضلوعي..ضلوعي!
قلنا نحب وقالوا إن الهوا..عيب!
في ليلةٍ ظلمى ..عطيته شموعي!
____________________________________
ماللشعر أسياد!
ياحلوتي الأجمل!
ماهو حكر للضاد!
هو كون متنقل !
كثر الحكي وإن زاد!
وردٍ غدا ... يذبل !
ياحلوتي هالشعر!
أشبه بنفثة سِحر!
______________________________--
هذي الأجمل ..والأبهى!
هذي الأحلى.. والأكمل !
جوري .. جوري!
يااجمل واحلى طفله!
يابابا ..من هالقذله!
ياحلوك .. ياعصفوره!
يالجوري .. ياقمّوره❤️
______________________________
قلت الكحل !
قالت وهالليل ... له عين !
قلت العطر!
قالت وكم ريح ... مرّت!
قلت المطر!
قالت .. حكي مثل الأشعار!
قلت الوعد!
قالت: احبك الى الشيب!
_________________________
بس أشاغب كبرياءك!
واحضن أكبر أمنياتك !
أغنياتك / كل مايلمس حياتك!
وأهمس بإذنك " وصاتك"
أبقى آخر ذكرياتك!
______________________-
بك شيّ يجذبني !
ماهو أبد عادي !
حتى إن هذي الريح ..
لاداعبت شعرك!
تعزف على صدري!
يالمهره البيضاء!
يالأجمل .. الخجلاء!
__________________________
ياليتها طعنه من اغراب .. عادي!
إلا انت تطعني ... أفا والف عيباه!
شفني وقفت ودم ظهري ينادي!
والملح والعشره ؟ بهالغدر تجزاه؟
________________________-
ضيف الله : إبن ٍ للنخل!
للسيف .. للرمح الخجِل!
ضيف الله الطفل الشهيد!
وش كان ذنبه ؟
وش ذنب أمه؟
غير إنه إبنٍ للوطن!
_____________________-
ضيف الله بعمر الزهور!
ضيف الله أخفته الصدور
وشلون ضيف الله قتيل؟
وش ذنبه بحصد الفتيل؟
قولوا لضيف الله:شهيد
_________________________
اقنعه متقنعه"
سادة الكذب " العريق"
قادة الحبر .. العتيق"
كم شاب مات / كم همّ عيا مايبات!
قولوا لضيف الله : شهيد
ماهو قتيل!
_______________________-
عمو قبل تمد الأكل!
عطني فم!
واعط العالم هذي عقل!
لجل إني / أبغى اتكلم!
ليه الفقر؟
ماهو غدر!
من اقوانا .. للأصغر!
________________________
فيك وجهٍ مايمر إلا النظيف !
فيك ماء وسنبله وأشيا ... كثير!
آه يامكه .. وكم صدرك عفيف!
مايفرق بين أمير ٍ أو فقير!
______________________
مدري لمن أحكي!
مخنوق ياساره !
أشكي لمن .. أبكي؟
والناس..شمّاته !
الصمت لو يقتل..
وافي ولايعذل !
موجوع .. أنا جداً!
موجوع ياساره!
____________________________
عزالله إلا ماانحنى راس مؤمن!
إطنخ وخل القاع لاهل السقيطه!
تتفاخرون بقتله؟ الللله .. مُحزِن!
يامصر لايحكمك ناسٍ عبيطه!
____________________-
إنك أجمل .. من الضيّ !
وإن الهوا .. إنتي !
وهالريح .. والفيّ !
وإنك أجمل .. وإنك أعذب!
وإن ثغرك لابتسمتي ..
كارثه " تسقط دول "
____________________-
كأني
ماعرفت " أقرا"
ولاقد قلت لك
.. أشيا !
كأنّك
لو نطقت ...
"الما"
يثور الصمت ..
يتهجّى!
أحبّك .، نطقها
" أسمى"
أ ح ب ك!
كلمةٍ عُظمى!
_________________________-
الله يديم أهل اللحى/والتقيين
اللي مخافة ربهم هي قواهم
مايقذف اهل الدين غير الرخيصين
ناسٍ رخيصه سود الله لحاهم
______________________--
صدرٍ مثل رمان نازل من الغصن
ويقول للفلاح..خذني فدا لك !
وردفٍ مثل طفلين تسقي من المزن!
مايلتقون الا اذا الوضع سالك!
________________________
تخّبيني ؟
أنا بغرق ..
وببحر بك !
تحبيني؟
تضميني؟
انا المتبلل بـ عطرك!
وأقول لكل طير
إسمك !
تحبيني!؟
_______________________________-
وش تقولي ؟
ماسمعتك !
عيدي / عيدي !
قلتي : أحبّك ؟
كرريها !
مرريها !
بين خدّي / أو بصدري !
مايهم .. عيدي " عيدي"
قلتي : أحبك؟
______________________________-
غصن
"يمين
"يسار"يميل!
ليت إيديني بسّ..عصفور!
فاتن / طاغي / به ترتيل !
سيمفونية " ردف " يدور !
يخرب بيت " الحسن الطاغي!
آهٍ ياقلبي المسكين!
______________________________-
تزعلين !
ينتثر بك ..ياسمين!
ولاحكيت تقولي..إسكت!
ماتبين!
وأحضن إيدك..تخجلين!
وتضحكين!
ياجمالك ..وإنتي طفله!
بسّ أضمّك " تكبرين"
_____________________--
عادتك لاضقت " كنّك مادريت"
تنزوي " وتغيب " وتفارق .. تروح!
كنت أحمل همّك .. ولاقد شكيت !
وانت ياخي ماتمد .. إلا الجروح !
_________________________
المسأله.،ماهي تحبين
" وآحب " !
المسأله :وشلون من حب " يقسى" ؟
أحيان بعض الحب..
يتحول لـ ذنب !
وياما كثير أحباب تتحول " أعدا " !
_____________________-
سمّعتها الليله " شعر "
بالله منهو قدّها ! ؟
أبيات يلقيها " المطر"
ويبوس حتى خدّها ؟
_________________________-
أنا المطر ..
شلون أخاف من السما !
انا الشعر...
والبحر ... ياشعري ضمى!
سلمى ..
دخيل الله .. رمل!
ويّاك ..
أحس إني .. طفل!
_________________________-
مابغيتك لاوربي ... بالحرام!
بس بغيت إسمك تحت ببطاقتي!
زوجه ويتلى بعد إسمك سهام!
طفلةٍ منّك .. وهذي حاجتي !
_________________________
الصحافه: إثم تافه!
شي مايُأمن / تخافه !
الصحافه .. ماهي مبدأ
ماهي قيمه ولا هي شيمه !
الصحافة مو ثقافه !
شيّ " آفه"
________________________
أنا آسف على الإزعاج !
أنا اللي جابني قلبي !
وربي مانويت ... إحراج !
ولكن ضاع بي .. دربي !
_______________________--
كانوا هنا"غصنين
غصنين ياورده
مروا على الدربين
القرب"والصده
ياكسر"هالقلبين
والريح"مشتّده
ماعاد به"شيين
ذرات..مُمتده!
______________________
الشيب في وجه الرجل " حُب أنثى" !
والشيب في راسه " سبب قْهرٍ وهمّ !
_______________________________--
قطرة مطر .. يارب !
يبتل به ... صدري !
يهطل .. يطش .. يصب!
ويفوح به .. عطري!
وآهيم به ..والعب!
واغازله ب .،. شِعري!
________________________-----
طُز في كل الموسيقى !
إلا موسيقى .. الشعر !
كل لفظ!
وكل لحن !
مثل غصنٍ مال .. مثمر!
مثل غيمه!
لحن ديمه!
تعزف إيقاع المطر!
_________________________
ويدورا ..أخطاءك !
ماكنّك .. إلا "جُرم"!
أشياءك .. أوقاتك !
ضحكاتك..سكاتك!
كله يُسمى " ذنب "
ماكنّك الأكرم!
بعض الحكي " أبكم "
مُظلم وكم يظلم
____________________________---
لله ..
" قِطعة حُب "
لله ياسلمى !
لله ..
" لجل القلب "
مسكين لايدمى!
يجزاك ربي خير!
في السنبله والطير!
____________________________--
كم وجه صافحني
" ياشيخ وجهك سَمْح" !
كم خلّ .. وآدعني!
واخلف بصدري " جرح"
حتى أنت .، واجعني !
يعني إبتعادك ،، صح؟
_____________________________--
كل أغصان الكون
تغار
منها
لامرّتها الريح
لامالت عنوه
قذلتها
صارت ترقص
مع حاجبها!
وتميل تميل
لجفنيها
حتّى تبوّس
خدّيها
مي الأجمل
مي وبس!
ميّ هذي " ضيّ ضيّ"
ماتشابه أيّ شيّ !
ميّ طفله .. حيل حلوه!
مي " غنوه"
غنوه حلوه!
ميّ الفيّ
وزهر وعطر!
ميّ أحلى
من كل الشِعر!
______________________-
صدري طفل" مرّيه "
يبكي ..ويوجعني !
ضميه لك " هدّيه"
عيّا يطاوعني !
حاكيه..او ناجيه !
قولي له " يغّني"
قولي " وتحزن ليه"؟
وإنته" جزء منّي "؟
________________________________________
والله إني يااجمل الناس أزريت!
أشوف طيفك في وجوه الخلايق!
مجبور أبعد .. والعفو كان أخطيت!
مرتاح ؟ لاوالله .. شارد وضايق !
_________________________-
اذا كان الجمال .. ورود!
واذا مال الجمال .. قيود!
واذا مال الجمال .. حدود!
واذا كان الجمال .. أنثى!
أكيد :
إن الجمال انتي!
وكل الحسن لو بنتي!
___________________________
مايضر الغيم .. ذرات الغبار!
وإن سقط من عينه اليمنى مطر!
الرجل ارقى مراتبه " الوقار"
والتغاضي قوه وشيمة صبر 🌹
_________________________---
من تفارقنا.. طلع لك " شيبتين"
تو هذا العمر .. يبدأ أوله !
ياأحب الناس .. ضاقت هالسنين!
ماذبحني غير .. جور الاسئله!
ليش خنتي؟
ليش .. ليش؟
______________________________
لو كان بتحطي لي الشمس في " كف"
وكل النجوم .. بكف آخر .. لـ يدّي !
آنا أكتفيت وبسّ ..ماعاد لي شف!
حاجه كبيره ...لاغزا الدمع خدّي!
_______________________________________
قول : إن إنته تحب!
سمّع الماء ... والسحب!
خل هذا الطير .. يعرف!
اكتب .. أرسم!
لحّن .. إعزف!
راقص الورده .. وحب
ذي حياتك .. عيشها
________________________________
والله ماهو شي عابر وقفيّت!
الا لأني شفت شخصٍ مكاني
آسرتها بالنفس عنك.. وتعدّيت!
كم كلمةٍ ماتت .. وهي في لساني!
__________________________
ماطاح هالليله كلام !
قل طاحت خيام وبدو!
به كلمةٍ تنخر عظام!
واشياء ماسرّت عدو!
روحي عسى دربك سلام!
رماحك بصدري افسدو !
__________________________----
ياابن آدم " إفهمني"
اللي جفا..مفارق!
إياك تنده له!
والله...ورب البيت!
لو هو غدا...ثوبي!
لانزعه من فوقي!
" العزّه / العزّه"
والله ولا الغبنه!
__________________________-
اللي إنكسر له ..قلب!
وشلون يتجّبر؟
المسأله..مو حبّ!
المسألة أكبر!
هذي مشاعر إنس..هذي أحاسيسه!
لاتقتلي لك شخص!
وتقولي: أتعّذر!
ماللجروح أعذار
_____________________________
ياسيّدي الأجمل.. مافي البشر أكمل!
لاشفتني أخطي ..
إرفق ووجهني!
مافي البشر كامل!
ياسيّدي الفاضل!
مافيه ابد داعي.. تزعل وتجرحني!
يكفيني اوجاعي
___________________________
مكة الليلة " أنثى غير"
ترقص ... تهدي البسمه " طير"
مكه الليلة مغروره ... حلوه بيضاء " ممطوره"
حنّا إيديها حتى سال!
واللهِ تمطر .. موّال!
_________________________-
بالله ياصدري أعيذك من " الناس"
لو كنت تعشق " مُسلمه" واذنبت فيك!
أعيذك بربي ... ولايدخلك " فاس"
يجتث بك طفلٍ بريءٍ .. ويرميك!
____________________________
علّموك تحبهم ... بس خذلوك!
قربوا .. وبلحظه اقفوا
واتركوك!
ليتهم قبل المفارق .. خبّروك!
إنهم ماقصّروا ..
كنت طفل .. وشوهوك!
_________________________-
ياسيدي العابر !
عطني فرح...لله !
ثوب الفرح ..فاخر!
وانا لبست..الآه !
لاتقول ..ياشاعر!
ابياتك..مغنّاه !
هذا الشعر..كاسر!
واللي إنكسر..جوّاه!
________________________--
كنّك ذنب ...ومريتي!
قلبي العبد ...المستغفر!
شعرك يتشيطن ...واقفيتي!
واحساسي جداً ...متوتر!
انوي التوبه ... وإن جيتي!
أُفتن فيكِ .. واتبعثر!
______________________________________-
كل ماقلت : أكتبك !
داخلي طفل..
" أرتبك"
وين أهرب منك...لك!
وإنتي أفكار القصيد!
وإنتي للشعر/النشيد!
إنتي فكره/ وانتي صوره!
وإنتي مشهد كل غنوه
____________________________
انا المطر لاصار بعضك صحاري!
وانا اللي بشعري " غديتي عظيمه!
وإن قالوا إني كنت أحبك " بـ طاري"
قولي خسرته .. لجل روحه كريمه!
________________________________
انا حبيبك لـ اظلم الوقت جيتك
والا السوالف..ياغناتي لـ هلها
لوضاقت الدنيا..بعمري فديتك
لك بالضلوع اوطان محدٍ سكنها
_________________________
يسعد مساء الطيبين.
الطاهرين .. الناصعين.
اللي رموا حمل الحياة
وقالوا لنا .. ربٍ كريم!
كل شخص روحه شامخه!
وبداخله مؤمن عظيم!
ياربي إنك تسعده.
__________________--
يالغزال الشارد...دروبك مضت!
لااسترحت وقلب خلّك مااسترحاح!
نظرتك فيها حكايا..ماانحكت!
والتفاتك لفتة موّدع...وراح
______________________--
ياعمّ هي " باعت"
وأنا اشتريت " العز"
متحطم .. مشتت؟
إي والله العالم!
بس الكرامه " ناااار"
نار احرقت صدري!
من باعك موّدع
.. إدعي له وروّح!
______________________--
تسدل رمش " تطيح قلوب"
تلتف / يلّف الكوكب!
تهمس " وتميل الأغصان"
وش له نقطف هذا التوت؟
شفّتها شفّتها " موت"!
___________________________________
قالت: أكتب !
.. غنّي..إرسم !
مالت "
مالت معها الأرض"
والشْعر اللي عنوه مال" فوق الجفن أحدث زلزال!
والله مايجوز الإسبال!
خافي ربك في هالقلب!
_______________________
وش آسف .. وعذرك؟
ماعاد فيها أعذار!
من درتي بظهرك!
حتى الزمن دوار
جيتي؟ نفد صبرك؟
ماعاد لك .. مقدار!
________________________
حبيني ..قولي للأرض!
صوتك يصدع..طول بعرض!
خلي كل العالم تعرف!
والغصن المايل" يعزف"
ليش تخبي هذا الحب؟
من هو قلك..هذا عيب؟
هذا هو الحب العذب!
________________________
تدري وش يعني الفراق؟
كيّةٍ وسط الصدر!
نار .. بركان .. وجمر!
يعني كل الناس حولك!
وإنت في الظلمى لوحدك!
سامح الله .. إيدها!
والله ماهو طبعها
___________________________________
تمشي كذا؟ والشعب عقبك يتاما؟
الموت مابه مزح ..قل شي ثاني!
شف دمع شعبك كيف طاح وتسامى!
مو قلت :أنا بقلوب شعبي مكاني؟
________________________-
مين إنتي ؟ ومنهو هذا؟
آنا إنت .. وهذا وجهك ؟
ماعرفتِك!
وجهي باهت .. وانتي أبهت؟
هذا وجهي؟
يالمرايه .. أو هو شخص ٍ مرّ آخر؟
____________________________
ياللي خذلك " الحب"
و" الخوف يجتاحك"
الله يجيب الأمن .. من ذاتك لذاتك!
من راح .. له عذره!
وش لك بغير الله ؟
يسمع مناجاتك!
_____________________________
البقى ثم البقى ثم البقى !
كن هذي الأرض تنفي آدمي!
يسقي الله يالحنين اللي مضى!
والله إني كنت مهديك قْلمي !
_________________________-
الليله / الليله " شِعر"
إيدِي يبللها " المطر"
جهزت لك " غرشة عطر"
وفراشك الليله " صدر"
__________________________--
والله ياصدري عجزت أقنع إيدي !
إن الوجع " أوتار " وضلوعي الناي!
تقول إنه ضيف مجلس " وريدي"
وانا إبن ناس ولا قدرت أبغض اعداي!
________________________--
يالفارغ ...
" الممتلئ بالناس"
يالشاعر ...
" اللي رموك بـ فاس"
ياسيّد الحرف
" واوطانه"
والله ماللحزن
" خانه"
وإنت الذي
" تعزف الإحساس"
________________________
سلمى ...
وانا صدري المنفى!
سلمى!
وكم هالبشر تقسى !
سلمى ...
دخيلك أبي أدفى!
برددددددان بردان ياسلمى!
في داخلي طفل ٍ وخايف
ضميه لو ضمة العايف
____________________________
ماجيت لك أبغى أجرحك !
بس جيت " ابغى اودّعك"
يمكن .. غيابي يسعدك!
واقف ونصفي .. مرتبك!
عارف قبل تحكين .. شي!
حب ومضى " الله معك"
_____________________________-
خلخال في ساقك وفي "هالكتف شال"
والخد كنه "شرهة اطفال" خجلى !
ياللي تمرين البشر مثل"موال "!
"يامال " ياآمال .. ياتوت يحلى !
__________________________---
ودعتك الله جعل نتقابل بخير
شفني أشوفك وإنت بالارض مدفون!
حزين جداً..ياللي اغلى من الغير
مامت..ماتوا هم والا انت مصيون
________________________________--
كن هذا الصدر " ضاق "
كان أرحب من سما !
سامح الله الفراق !
وسامح الله من مضى !
_______________________--
والله ماهي كلمةٍ بس تنقال
حنا فدا هذا الوطن يالرخيصين
احرار عشنا..وانتم رخوم وانذال
ماتفسدون إلا بمهد النبيين؟
_________________________-
عالوعد والحب .. جيت!
ماني شايل غير " قلب"
ماني حامل غير " حب"
ليت الأسماء بس أسما!
ماهي " ذكرى او صور "
ولاهي روح من العطر
__________________________--
يشبه الحزن العتيق !
في وجيه الأرصفه !
هو علامه ؟ زايدٍ في جلد ذاته!
ضايق وساهي وتايه!
صايرٍ للحزن " آيه"
_______________________________
لا .. ماانتي الأُخرى ..
لا والله .. الأولى !
لاوالله الأسمى .. وحبك هو الأبقى!
ياأم أضلاعي .. ياشايله أوجاعي
ياكل هالدنيا!
________________________
رفيق الماء..أنا تقتلني الظلمى!
أنا في صدري وإيدي !
وجوه وناس ٍ وأسماء!
وانا الأسماء !
وأنا ضيّ ٍ وانا ديجور!
وبي عطرٍ .. نسى ينسى!
__________________________
حاجة غريبة " كيف خنت الخيانه"
وأزريت أمرّر مومسٍ في قصيده !
آنا أعتبرتك " فوق حِمل الأمانه "
بنتي .. ومن شِعري وربّتك إيده!
________________________
مدّي الفنجال ..
" مدّي"
لو هو .. سمٍ
.. بشربه!
ماشرب هالبن ..
فمّي!
قلبي " أولى"
يشربه!
لاتقولي لي علامك!
قهوي صدري !
جوفي ناسٍ "مُتعبَه"
_____________________________________
تحرم عليه " المرجله" من نخيته!
ولا فزّ من طوله وجاوبك " تبششششر"
ياسعود لو لحمك قطعت وعطيته !
رجلٍ حداه الوقت إياك تنهر !
_____________________________________
شريت لي عطرٍ جديد!
رشيت به هذا المساء !
كنت أحمل اللحظه " وحيد"
وبداخلي غيمه..وماء!
شاعر ولي إسمٍ عتيد!
أنا المطر .. طهر السماء!
_______________________________________
تعانقنا مثل طفلٍ رفض يترك حضن أمّه!
بعد غيبه .. تلاقينا ، بهالصحراء .. شف الصدفه!
_________________________-
في صدري أحكي لك كلام!
.... لو أمتلى قلبي .. حزن !
مابه عتب .. مابه ملام !
بيعلمك قدري .. الزمن !
_________________________________
صدرٍ عثاه البرد
دفيّه ياسلمى !
قلبٍ وجعه الصد!
داويه لايدمى !
حضنك لي المأوى ..
وإنتي حياة الما !
__________________________
كيف تكوني إنتي الظِل
وانتي الكل !
وانتي كل إيقاع تموسق !
مرّ وغنّى / عطرّ وامطر!
كيف تكوني؟
وانتي عيوني!
__________________________
ياعابره .. بين الحكي!
وبين السكوت .. وشفّتي!
كم كلمةٍ بي .. تختنق!
وكم آه فيني .. تحترق!
سلكت في كل الدروب!
في داخلي..احزاب وحروب!
وانا لمن؟
_______________________________
ياما كتمت الكلمه وقلت لاباس!
أبقى مثل عود أحترق .. زاد طيبه!
تكويني الكلمة ... ولاشرهة الناس!
والله عطاني عند الأجواد .. هيبه!
________________________
الحب ذا " كذبه"
كذبه بـ فمّ أطفال !
كل ٍ عطى قلبه !
وفرقّهم الترحال !
بنت افقدت " لعبه"
وطفلٍ غدا رجال!
__________________________
دايم الجمهور " أعمى"
يحفظ الأبيات ... لكن!
ماعرف منهو " كتبها"
كم قصيده " خلدوها"
والف شاعر " يقتلونه"
والقصيده " بنت" شاعر!
_________________________
متبسّمه للكون بنت الأناشيد
الله خلقها أغنيه للاماني
ماكنها إلا فرحة أطفال بالعيد
في عينها طفلٍ يحب الأغاني
_____________________________
الله يسعد لي مساء الدراويش!
اللي أضحكوا وقلوبهم كلها هم
يقابلون الحزن " طنخه وتطنيش"
ناسٍ جميله ياأخي عندها "دم"
__________________________
كنت أرّف الريح ..يمي!
كنت أشوفك ..بين كمّي !
كنت أسولف للغصون
وكنت أغني للعيون !
كنت ياما كنت...طفل!
كانت أصدق ..قبل تكبر!
قبل هذا الحب يصغر
________________________
ودي " أغمّض" هالجفن دون حسره!
لاالناس ناس .. ولاضلوعي ضلوعي!
يادمعةٍ طاحت .. على جفن بكره !
ياما ورا الغتره تخبّت ... دموعي!
____________________________
كنت اقول الريح ..خانت
ليش ماجتني بعطرك؟
كنت اقول الغيم .. عاذل
ليش مايمطر بوجهك؟
كنت اقول الحب أعظم!
واتفاجأ .. إني احلم
بس أحلم
______________________________
حاولت أمرّ من الشوارع واعدّي!
طيفك غدا لي بكل .. شارع حكايه!
كم جزء مني .. صار ندي وضدي!
امشي واحس طيفك تخبّى ورايه !
_________________________
انا اللي أمس يحكي لك
عن القمرا .. وعن الأزهار
ومن تتلحفي إيده!
قبل ماتسدلي عينك!
نسيتيني؟
أفا يالماء .. أفا والله!
___________________________________
كل خلق الله .. ناموا !
إنت همّك لسى صاحي!
شايل أحزانك بصدرك !
والشعر إبنٍ لـ يدك!
كم قصيده مثل بنتك!
من تضايق .. سولفت لك'
_________________________________-
إنت روحك..مثل طفله !
شافت بهالليل ظُلمه !
وانزوت تحت اللحاف
لين غطّى الدمع..يْدها
ميّلت..واستغفرت !
لين مر الدمع..فَمها
واستحى منها...ونامت
_________________________________________
قلبي عليك أنصع وأطهر من الما!
مانمت ليلة دون مااسامح الناس!
قلي وش اللي تاخذه يوم تقسى؟
انا مسامح .. لجل مااسقيك هالكاس!
_____________________________-
للوجوه اللي خذلتني
لليدين اللي طعنتني
للصدور الضيقه..للقلوب الكاذبه
ألف شكراً..يالحواس
دام مابالناس/ناس
دام هالامطارعطري
السماء والماء صدري
_____________________
يلعن ابو شخصٍ يهين الرجاجيل!
هينه ولاتحسب حساب المشاريه!
كرامتك أبقى ولو قيل ماقيل !
بعض البشر مايفتهم " لين تكويه"
________________________-
مرّ..
في صدر اليدين !
تنبت كفوف..الجبين !
ليش تحزن؟
...قم تفنن!
قم
وراقص..هالحروف!
قم
وشكّل...هالكلام!
إرسمه غيم ومطر!
لين هالشعر يتبلل!
____________________________
ياليت عندي إبن مثلك وانا امك!
شفني ولا اقرب لك وتعطف عليّه!
والله لو إن الشرع حلل لآضمك!
الله يوفق كل راعي حميّه!
_____________________________-
كنت أربي فيك ..
حب!
كنتي أنثى " تهتدي بي!
كنتي أشبه بالغمام !
صرتي أشبه بالزحام!
مثل"جمله هاربه"
ماعجبها سطرها..واشطبت كل الكلام!
__________________________
تحبيني؟
أنا الماثل" غمام الماء"
وانا هتّان ... هالاسماء!
وانا المتبلل بعطرك..
واقول لـ كل طير " إسمك"
تحبيني؟
يكّفيني!
____________________________
طمنيني .. كيف عيدك؟
إنتي ياحلوه بخير؟
كيف هنّوك البنات ، وش يقولوا؟
صح يقولوا إنك أجمل ، وإنك لهالكون مشتل؟
وإن كل عيد ... إنتي عيد!
___________________________
ناسيك أنا؟
من علمّك؟
يكفيكِ إني ..بالصلاة !
أدعي لك الله ..يسعدك!
وأدعي لك الله ..يحفظك!
الحب ماهو " أشتقت لك"
الحب اكبر من كذا
"الحب دعاء"
______________________-
جيت من صوت السكوت!
من أغاني ..من حكايا
كان يرويها حكيم !
إنزوى في الضي...تمتم !
يسقي الله ...من ضمى
ويبقي الله ...من بقى !
__________________________
أغرق أنا ..يفداك ويفدونك الناس!
أعبر حدود الكون لو سيل جارف!
أمك أنا..واخاف لايلحقك باس!
كل أم مثلي تعرف وماانت عارف؟
____________________________
عزاه ياكتفٍ تعب من حموله !
وهذا الصدر ماعاد فيه استطاعه !
كم خطوةٍ نخطي واثرها عجوله!
والله تعبت آقول سمعٍ وطاعه!
____________________________-
هي طفلةٍ حورية ومن نسل ناس!؟
مااضن .. هذي البنت من كوكب الأرض!
جمالها " وعيونها صابها نعاس !
طوفان فتنه هذي ب طولٍ وعرض!
_______________________
ماصرت أبد..شاعر!
إلا من جروحك!
الجرح بي ...ثاير !
شكراً على طعونك!
أهدي لك إحساسي !
...اللي إنقلوه الناس!
والشاعر الطيب.. وحده شرب هالكاس!
________________________________
ليت من حبك رحمك من العذاب!
نصف عايش منك،والباقي رحل!
يالغريب اللي سرا ليل الضباب!
بالصبر رجال وبقلبه طفل!
_____________________________
أوجعتني لكّن وربي أحبك
ماهو بعيب إن يوم علمّت ابنك
ياوطن أم القرى
يامعلمني أحب !
جعل يفدوك العِدا
ياوطن يااحلى وطن!
_________________________________
ياليتها ماجات عند الكرامه !
... وش عاد ياسلمى بقى ماتقولين !
خابرك من أعوام كنتي غمامه!
... واليوم صحراء قاسيه .. ماتحنين!
___________________________________
وش عليك من الملام ؟
وانتي عيونك غمام !
سولفي عن سماك !
عن سحابك ، عن عيونك !
عن حكايا النور .. عني!
وإن هالأمطار .. شوقي!
وإنك أوطاني وأرضي!
_____________________________
ماعاد ليّه قلب !
..... ماقصروا أحبابي !
لاآحب او أنحب!
..... لاتكثري إعتابي !
تعبان من هالذنب!
..... ضاقت بي ثيابي!
____________________________
ياصغر هالدنيا .. بعين الحزينين!
....وياكبر هذا الضيق..موطن ومنفى!
تطبطب إيدينك وتفزع لك العين!
....والهم ضيفٍ تكرمه مير مـ اقفى!
_______________________
تعبت أدوّر للمقفيّن .. أعذار!
يالراحلين أهلاً .. ودرب السلامه!
اللي يبيعك.. باكر الوقت دوّار!
لابد يرجع .. بس يفقد مكانه !
_________________________---
لله ياشمّر ومـ اعظم كرمكم !
إن كان مابه مال " تفدون " بـ اجساد!
لا وَ هنّي اللي غدا..جزء منكم!
يامكرمين الضيف يافخر الاجواد!
_________________________----
تتخيل الغيمه .. وتمطر لك حروف!
وتشكّل مْن الحرف ... طفل يتبلل!
يركض .. بوسط الريح شارد ومخطوف!
والبرد يشبه لص جاه ... يتسلل!
__________________________
عزالله إن الطناخه ... عز !
اطنخ ... ترى هالمدى فاني
إياك هالراس .. لايهتز!
مادام بالأرض ... زهراني !
__________________________---
هاتي يدينك ..ودي آشكل الغيم !
لا الأرض أرضي ...ولاالزمان ب زماني!
هذا المدى واسع ولافيه ...تعتيم !
قولي أحبك ... تنفتح لك مواني !
_____________________________
شوية دم !
بس حسّي !
أنا شاعر مليئ إحساس!
أبيكِ تحضري .. بجنون !
ياشيخه طز في هالناس !
أبي حبك يزلزلني... بسيطه!
بس هذي .. بس!
_______________________-
هذا الصبح .. اللي يحضر بك!
ماكنّه يشبه ... أي شي!
غيم ... وضي !
ورد .. وميّ !
أية شي؟ أي وأي؟
ياحلوه يااحلى عصفوره!
صبحك خير .. صبحك غير!
_______________________-
تستاهل المدح ..ياخوك غرد
وأحمد إلاهك وشكره .. بلمعت الماس
الطيب ينساق لك .. لو ماله احدود
ماينعرف حده .. ومعناه ينقاس
______________________________
تهتز مثل الغصن .. ريانة العود!
هي وردة ٍ حمراء ..ولاتشبه الناس!
يارب هذا الحسن ..وعيونها السود!
تحفظ برائتها .. وهي تشبه الماس!
__________________________
متصورٍ بالبشت ! مايرفعك بشتك!
ماهو طناخه ،سليل قماش!
البشت والله طناخة راس ، البشت والله تفيد الناس!
البشت مايستر عيوبك!
ياعم طنختك ب افعالك
_________________________
أنا نسيتك؟
نساك الشر !
أنسى يدينك وهي بيتي ؟
وشلون أنسى وانتي العطر؟
وأحلى هداياي لاجيتي !
____________________________
خذ اللي تاخذه ... عادي !
وهي تفرق؟ ولاتفرق!
انا في آخر الوادي !
وقلبي شايفه .. يغرق !
يموتون البشر .. عادي!
إذا ماتت
مشاعرهم!
____________________
في عينها أنثى خبيثه و" طفله"
شيطانه ومتمرّده ... بس بريئه !
بنت اللذينا ... صعبه ونِصف سهله !
يعني تحس العين فعلاً " جريئه "!
_____________________________
يمكن أشهى؟
يمكن تكون المساء
وكل رشفه للضمى!
مو غريبه لابحرت بك !
ثم حكت لك !
كل أسرار النبات !
الطفوله والشغب " سر يبقى بالبنات"
_________________________
" مخنوق"
.
.
هاتي من إيديك " شوق"
.
.
رشي عطرك لجل " أفوق"
_______________________________
أنا مااعتب على المقفي !
عساك بخير ياسلمى!
بس إنه داخلي ... منفي!
مصير اللي روى ... يضمى!
________________________________
الليل هذا فمّ مليان بالإثم!
وصدري مثل بار إمتلى بالسكارى!
طفل الحكي يركض ولكن تلعثم!
الله يعلم بالحزن .. لو توارى !
______________________________________-
لاجيت تحكي عن تصاريف الايام!
لقيت نفسك تشكي أصحاب واقراب!
يابن الأوادم وش على الوقت ينلام؟
العيب في ناسٍ غدو مثل الاذناب !
_________________________________
والله ماردتك على درب الأنجاس!
مير الزمن واقف بدربي ودربك !
قد قلت لك أبغاك من بين هالناس!
عزالله إني ماكذبت .. وأحبك !
__________________________________-
يارب لاضاقت فـ انا عبدك أذنبت
سبحانك اللهم " ترزقني رضاك
يارب عفوك ... وإن تماديت واسرفت
إنت الكريم ولاخسر من ترجّاك
_____________________________
كل غصنٍ مال ساري!
وكل جفن ٍ حن ... سالي !
وكل من هو قال " داري"
فاقدٍ له شخص غالي !
______________________________-
حين أبتسم تتكّون مابين جنبات ثغري فوّهة شلّال
وشَفتي ّتنضج لتصبح مشتليّ كرز!
يسطع الضوء من جبيني ك كوكبٍ درّي!
وتضيء من عيناي قافيةٌ وموسيقى
__________________________
الفراق؟ الله ياااا مقسى الفراق !
جمرة ٍ وسط الضلوع .. ولاطفت !
كل ماتسهى ذكرت آخر عناق !
مافقدت أنثى ، قل الناس أختفت !
______________________________-
أحفظيها : مثل إسمك !
ماهو حب اللي يذلك!
ولاهو قلب اللي يضرك!
والف شكراً ... ألف عذراً !
لاتقولي لي " أحبك"
ياهلا .. فرصه سعيده!
________________________________
يَ ربي خانوا الأقصى !
تشّوه ... نجّسوا أرضه!
يَ ربي يبكوا أطفاله!
وهذا الغيم .. يرثيهم!
أحس إن السماء .. تمطر!
بُكى يارب .. ماتمطر !
________________________________
مايوجعك سهمٍ يجي وسط ظهرك!
إلا ان رامي السهم .. من اقرب الناس!
الله أكبر ... مااعظم اصلك وصدرك!
وإنته تشيل السهم وتقول " لاباس"
_____________________-
اللي يبيعك .. شخص عايف تخيّر!
واختار يبعد .. جعل دربه سلامه !
وإن هو رجع لك بعدها قل : يسيّر!
خل الفراق المرّ .. ينهش عظامه !
______________________-
يعني تمدّين التعب في ذراعي !
وأنا الذي مديت لك قلب وإحساس!
الله أكبر .. كيف لك قلب واعي!
ماعاد تفرق .. حالك بحال هالناس!
______________________
عشت عمري للبياض وللشرف !
ماني أعظم شخص لكني شهم
ادري إني إنس واخطي واعترف
وأدري إن البعض ياصدري " رمم"
_________________________
ماكنك إلا شخص تشري ذممهم!
أشناب ياخالد وإذا قفّوا .. أذناب!
ماني من اللي لاتقهويت .. معهم !
يغتاب ذكرك قبل ماتوصل الباب !
____________________________
وشبك؟ على هالبشر عاتب؟
مالدايم إلا إله الكون !
متكدّر وضايق ... وغاضب!
اللي نسوا .. طز خلّ ينسون!
_______________________
السياسه / مو فراسه!
السياسه .. إثم تافه ..
وأربع وجوه ..تتشابه !
كلها ملئ ... نجاسه !
إنت منهو؟
إنت كوب بفم ... آخر !
ماء طاهر!
______________________
عسفت الريح
وطموحك
وطرت ..
بمنضد أحلامك!
عقدت العزم ياساري؟
عسى هذا القمر
فالك !
_____________________________
مالهذا الشعر ... مينا!
ولالهذا الصوت ... مركب !
كل حرف يمر ... فينا !
كان خيل ٍ .. مر يركض!
تسأليني منهو أنتوا؟
إحنا تشكيل .. لـ يدينا!
_________________________
أبسط الأشياء ... ضحكه !
تعتلي وجهك ... غصب !
إركل همومك .. ببسمه
وانفث يسار ... الغضب !
إنت أجمل !
إنت اكمل !
لابتسمت تصير .. نورس!
____________________________
والله عجزت أرضي جميع الخلايق!
وأزريت أبعّد نملة ٍ فوق رجلي !
ياعم تقرص .. دام هالجلد لايق!
بلاش نشرح .. راعي الدلو يدلي!
__________________________
كل أنثى ... مثمره!
وكل إسمٍ تحمله ، غصن مال بحلمها!
كل أنثى ... تُحترم !
روحها .. قبل إسمها!
النساء ،شمعة أمم ، تحترق لجل العطاء
______________________
نسيتي عطرك .. الثاير !
على خدي .. على ثيابي!
وروجك ..غرّق أهدابي!
تجين وتحملي غيمك!
وانا كفوفي ..هي الغرقى!
وصدري طفل يتبلل!
__________________________
من طنخته قرّب من الأرض ويطير!
زهراني وراسه يطول الطويله!
يقول أبرضي شايبي يصير مايصير!
طحطوح ياجمعان تسوى قبيله!
_____________________
وشبك تحرضني على لعبة الطيش؟
ماعاش راسٍ هزني وإنت خابر !
الأرض لله .. والفتى مننّا .. يعيش!
صاحبك واقف .. وكلّ الله وصابر!
_______________________
وبكل بساطه
أرفضك
" لو كنتي أجمل فاتنه "
لو كنتي " إنتي العاصفه"
قلبي هو المركب !
...حتى الفراق أصعب!
ماقلت إلا " أرفضك"
مادام قلبك " مُرتبك"
____________________________
قلت أغني .. يمكن أسلى!
يمكن أنسى .. يمكن أسهى!
قلت أغني!
يمكن الحزن يتلّون! والفرح فيه يتكوّن!
آه مااقسى الأغاني !
يوم تسرف بالأماني!
________________________
أشغلك ربي تلاحق بالعباد !
وانشغلت بـ قال هذا ورد ذاك !
الطيور ب زرعك تلّم الحصاد !
فاغرٍ بالخلق يوم الله بلاك !
________________________
عسفت الريح وطموحك وطرت بمنضد أحلامك!
عقدت العزم ياساري؟ عسى هذا القمر فالك !
_______________________________
صنعت لك إيدين من ستري وهات !
والله إن الجوع كسّر عظامي !
اغرف مادام إني غرفت المسافات !
قد كنت طفله بس هذي حطامي!
____________________________
الله اكبر يالوجوه !
ماعرفنا لك " أصل"
كم وجوهٍ صادفتنا .. ولاضحكنا إحضنتنا!
ولامشينا...تباينت !
أقنعه سودا..رخيصه!
لاالتفتنا.. ماارحمتنا!
_____________________
مالي ببعض الناس حاجه وصحبه!
مليت راسي يارفيقي " طناخه"
بعض البشر شكله " رجل" بس كذبه!
رجولته تكمن بـ قوة " صراخه" !
_______________________
ماكانت أحلامي ثقال !
وماهو حلم صعب المنال !
كنت أحلم بيوم الوصال!
وتصيري زوجه .. بالحلال !
_______________________
ياصاحبي لاصرت واطي وتافه!
_ صعبٍ علي بالطيب والله اربيّك !
يعني أمد إيدي بكل اللطافه !
_ تطعن يدي ؟ ياجعل ربي يجازيك!
________________________
أحيان احس الناس "ماتشبه الناس"!
واحيان ودي أحتضن" كل عابر" !
احيان احس الناس من دون "إحساس"!
مع كل دمعه ترتطم ... بالدفاتر !
__________________________________________
من باعني بعته!
لو هو من اخواني!
من صانني صنته !
وبالطيب ... يلقاني !
________________________
هذي مو حي الله " أنثى"
هذي الريم.. وهذي الغيم !
وهذي الطفله غيرانه !
وش هالربكة اللاعاديه !
يخرب بيت الخجل...الثاير !
جداً جدًا يفتني!
____________________________
أكبر أمانيهم ... علو المناصب !
واكبر أمانينا .. على كف عصفور !
مابين طاغي وبين سارق وغاصب!
جمهور في غابه ...ولانتقن الدور !
__________________________
من كثر ماودي أسولف لك أشياء !
تمّيت ساكت ، والحكي نظرة العين !
ماكنتي أحبابي وبس .. إنتي الماء!
والأرض قلبي ... والغلا لك بساتين !
_______________________
زهقت آردد بلادي
بلادي والنوايا طير !
ورب الأرض والتربه زهقت آفكفك أزراري!
وطن أهلاً
وطن مرحب
صباح الخير
وربي
كم ألوح لك ولاقد جبت لي طاري!
________________________________
أحس الناس في عينك
عبــاره !
مرور اشياء
في رسم الثـواني !
احب الناس !
في عينـــك زياره !
كأنك موطن
لكل المواني !
________________________
إذا كان الشعر زفره !
فـ هو أكسيد ثاني الناس !
_____________________
تزفرين من الحيا عطر الأنين ـــ وتشهقين المسك في طـُـهر وصخب ! أقسم برب العباد الطيبين ـــ إنك أجمل .. يوم تحكين باأدب !
______________________
تغار من الحكي
... يدها !
واغار من الحروف
..اللي !
مابين شفاهها
... تزهر!
ياأجمل طفلة ٍ
..تكبر!
وتحلى زود ..
عن أول!
يارب الناس
..تحفظها
_________________________
أقدر أرمي كل ورده!
ترفض إيديني وعطري
واقدر أكتب أي فكره !
دام هذا البحر ... بحري!
و
أقدر أنسى لو رحلتي!
_________________________
اطرقي ابواب القلوب!
منهو حبك كثر قلبي؟
منهو يسهر لجل عينك؟
منهو اللي علمك
إن صوت الريح انتي وإن جفن الضي انتي؟
كل هذا ولايكّفي؟ إنس إنتي؟!
______________________________
تشبهينك في غرورك !
إثم نفسي عافته!
تشبهينك في حضورك!
ضي شمعه خافته!
مايهم إن كان جيتي!
أو تغيبي للأبد!
______________________
كثرماتكبر يدي !
من تلامس وجنتي !
كثر ياااااااه
وكثر آآآآآه
كثر.....والله العظيم !
إنك أضناك التعب !
لاعتب
لا لا عتب !
هو بقى غير التعب ؟
________________________
كثر ماتعبر يدينك !
لإلتفاتك...في هروبك !
لـ إنزوائك..في وقوفك !
لـ الشرود...وللوعي !
للهروب من الـغروب !
كثر ماتكبر يدي !
من تلامس وجنتي !
_____________________
ياصاحبي
والغلا دستور
آمن
وصدرك بعد آمن !
تحت السما
قلبي
وقلبك !
مافوقنا غيم..متشتّت !
لو كان غيمك
يرش :أفراح !
غيمي : رذاذه
حزن بارد !
________________________
مثل هذا النخيل
... أنطر !
مثل هذا الشموخ
.... أكثر !
يمرّ الليل
... وأتحرّى !
لعلك تذكر
.... الموعد !
لعلّك ... يالغلا.. تذكر !
________________________
أحمل بكفّي
غمام !
يرتعد منه الحمام !
يبرق النور
وظلام !
صعب ترقى أسفله !
حرفي بوجهه
لثـــام !
ينتخي في كلمته !
____________________
كم وجوهٍ تبتسم لك فالعلن !
وكم أيادي تطعنك وسط الظلام !
كم عيون ٍ ناظرتك ولا ملن !
ماتتوب ودوم تبدا بالسلام !
_________________
دور لجرحك ... ناي !
يالشارد ... الضايق !
شوف الحزن ... ب أقصاي!
بس الألم .. يَصدِق!
________________________
تدلعي يخرب أبو بيت بيتتتتك!
مادام حتى لانثنيتي ... تذوبين !
اقول أحبك .. قالت اسكت فديتك!
مشاعري جوعى ... فقارى مساكين!
________________
عجب!
يالقارئ ..الحاضر!
كذب!
يالفاضل...الساخر!
من علمك إن الحكي ، عادي ولااحدٍ به شقي!
شف دمعة الشاعر!
ياصبر ...هالورقَه !
______________
ماتضيق الأرض وجْبينك "سما"
قل سحابة صيف مرّت ياكريم !
اركد .. أهدا .. كل حزنٍ أعتلى!
مايطوّل .. وإنت لك ربٍ عليم !
________________________
ضيقوها ... حسبي الله العظيم !
__ القهر "كيّه" وغبنه .. للرجال !
من طعن ظهرك " أبد ماهو رحيم"
__ يالله إنك تغبنه من كل جال !
_____________________________________
كل أبوهن كاذبات لهالغرام !
من بقى للدمع الا شيمتي !
كل شاعر صاغ له أنثى الكلام!
والكلام الصعب " طيحة دمعتي"
____________________
هي تضيق " تضيق" من كل اتجاه!
ماتضيق إلا وقل .. جاك الفرج !
كم تموت بحلقك آهاتٍ و " يااااه"
وكم حكي ودك تقول ولا " خرج"
______________________
يارب .. ذولا الناس ماعادوا " الناس"
ناسٍ بلا رحمه .. وكيف احترمهم !
يارب .. هذولا وجع راس " واحساس"
حتى الأمانه .. ضايعهم في ذممهم !
___________________
لله ياضايق .. عسى الهم ينزاح!
.... تفتح أزاريرك .. وضيقتك بالجوف!
تُفرج .. بسيطه ، دامها حزمة جراح!
... ماكن إيدك تمسح الجفن وتطوف!
__________________________________
ضوء وطفل !
يبحث ف العتمه .. عن ديمه !
يركض .. مره!
يوقف ... مره !
يغني .. مره!
يبكي .. مره!
يهرب من باكر والليله!
_____________________
في هالشعر تعري .. ذاتك !
في هالحب تعري ... قلبك !
إنته .. إنت ، وذي كلماتك !
إنس وتنجب شعر ب صُلبك!
________________________
لو هو مرّ الكائن " ناس"
وجاب الهم الفضّ .. وسلّم !
قله ... ياأم الوسواس !
دربي ضوء .. ودربك مُظلِم!
______________________
مرت صدري " مثل العطر" !
_ عطرٍ هادي ... وثاير جداً !
من هي مرّت طاح " الشعر"
وطاح الوزن الطيّب " عمداً "
____________________
كن هذا الباب يشكي من الفراق!
... وإن به بنتٍ يحن لـ إيدها !
كل بيتٍ ماتزوره ... مايطاق!
سافرت هي سافرت؟ قل وينها؟
_________________________________
بعض البشر من تمدحه .. شاف نفسه!
__ ناقص يظن الناس أجمع " عبيده"
طزطز له وطنش ... ولاعاش حِسه!
__ واللي تجاهل شيمتك .. أحقر إيده!
______________________
اللي شتمنا ماعرفنا وش أصله !
..... يبقى السعودي رمز يرقى لهالغيم !
شعبٍ كريم وحوله شعوب ضحله!
..... ناس غبيّه بدلّت قافٍ ب " جيم"
______________________
إفتنيني ... دام هذا الغيم صدري!
غازليني... دام هالأمطار شِعري !
شاغبيني .. وسلهمي!
إعزفي كل الغزل!
إخلقي منه الجُمل.. قولي آحبك
وش يضرك؟
____________________
تختصر في جيتّك كل الحضور
ـــــ مبتسم والحزن يعوي داخلك !
إن حكيت يفزّ لك عطر الزهور
ـــــ وإن سكّت الهم كنّه قاتلك !
____________________
تحمل إيدينك على غيم السطور !
ـــــ دمعك اللي ملّ جفنه حاملك !
أيّ شاعر بين صدرك ياوقور !
ـــــ إستباحك وإستقى من كاحلك !
_____________________
كن هالقهوه
" حنين "
والسكاكر
... موعدك !
كن هذي الكاسه
.. " أنثى ! "
تنتظر " رشفة حبيب!
طاوله / ناس/ ومسافه!
المسافه" دايم آفه"
____________________
قلتي الموعد .. عشر !
والنجوم .. شموع تضوي !
جيت وبكفي .. مطر !
وهالرعود أشواق .. تدوي !
قلتي سمعني شعر !
أرتبكت .. وويش أسوي؟
______________________
كل مامريت جفن !
قلت هذا فيه منك!
وكل كحلٍ ظلله !
ماطرالي غير كحلك !
كل وجه يمرني !
وكل ظل يمر عابر!
كان يحمل جزء منك !
كل طيف ٍ يشبهك!
____________________
بعض وجوه الناس : أشياء !
كومة طاقه سلبيه !
ماهي نور ولاهي ... ضياء !
ظلما لكن " حِسيّه" !
____________________
النون : نون النسا ... والما!
وأحيان ماء الدموع .. أنظف !
في الحب " عقلك عصاة أعمى!
ويقودها من لها ... أضعف !
_____________________________
واقفه ... مثل الدموع الشامخه !
كنّها دعوة فقيرٍ ... بالفرج
_____________________________________
واحد يعيب الماء وهو فاقد الما !
... واحدٍ بحث عن شربته بااسفل الطين !
ياللي شتمت النور ...داخلك ظلما !
واللي سرق إحساس " يسرق ملايين" !
________________
انا اكتب لك وأنا أحلم !
على كتف الغيوم
أهذي !
أنا أكتب والمطر
حبري !
رذاذه يملي أيديني !
أنا أدري بالسماء نجمات !
ولكنّ الـقمر...واحد !
____________________________
قومي وهزّي
شفق هالليل !
متغندر الليل
متكبّر !
ميلي ...
وتزهر غصون البال !
ودّي تصير السما .. شمعه !
_______________________
تزعل أو لا تزعل !
عادي !
هذي الأنثى " كنز الأرض"
يعني منها يكون الشعر!
ومنها تتقوى الأقوام !
ومنها تتكّون غيمه!
تمطر .. تمطر!
نتبلل!
_____________________
لاتشوفي
شخص غيري !
ولاتحاكي أي ظلّ !
لاتمرين أي رمش !
ولابعد رمشك يشوف!
قلبي لو تمتم "أحبك"
يعني هالغيره تثور !
يقلب الدنيا " عليك" !
_______________________
مر عذق الليل .. طير !
منكسر .. بائس!
حزين!
كان يجلده المطر.. بلل جناحه ورمشه!
مرّ وأنتي مثمره !
مادرى هو ظلك ابدى؟
أو ثمرك النابت أشهى؟
________________________
إكسري الساعه .. مسا !
قولي هيا .. نلتقي !
إكسري هالوقت .. حاجز!
كل لحظة تمر .. عميا
شايله كومة حزن !
تكسرك .. تتكّسرك!
أهربي للازمن !
__________________________
هذي روحك
والصقر معنى جموحك
كلهم في هالسما ..
واللي بعيونك تكبّر ..
أصغر أصغر من طموحك
_______________________
من لبس هالغيم في عنقه
فجر
ومن سلب هذي السما
في معصمه !
من قدر يحمل بياضه
بالليال
تشرق الدنيا إذا خدّه عبر !
وحدك إنتي !
بسّ إنتي !
________________________
من هو الأسهل..صعب
ومن هو الأكثر..هدب !
من هو غيرك
لاانثى للأرض
تفرش له عنب !
من هو غيرك لاحكى
حكيه نغم !
ترقص الغيمات
ويطيح المطر !
________________________
كل شاعر ... كان ينزف دم شعره!
كان وحده .. يخيط جرحه !
كان وحده يقيس .. كمّه !
واللي يقرا .. كان يلبس!
كان يلبس جرح غيره!
دون رحمه !
________________________
حبيبتي ... والقلوب ... الناس !
أتخيل الناس
في غمضك !
مروّا على غمضة التنقيح !
وأخترتي النور
والاسماء!
______________________
ماني بمجنون
لا والله !
لو قلت عينك
ترّف عيون !
حبيبتي والقمر..صاحي
متخيل إنك
على رمشه !
حبيبتي والسما..تمطر
أتخيّلك
في شفاه الغيم !
______________________
أنا ماأنقد التربه !
أنا العن
خاين التربه !
أنا العن
كل ذو منصب
فسق
في أقدس الدنيا
ولا يلقى سوا
هالأرض !
يدور سرقته فيها ! ؟
_____________________
أنا جدي يقول:إحرص!
ترا السمعه
هي التربه!
أو التربه
هي السمعه!
نسيت الحكمه..ولكن
فهمت من الحكي
حكمه:
إذا بعت الوطن"لقمه!
حلال يخونك التاريخ!
__________
علميني إنك الماء
وإن قلبي مثل تربه!
إبذري فيه الهوا،ينبت العشق الندي!
كوّني فيه الحقول،صيري الفلاح..صيري!
قلبي تربه طاهره!
_______________________
من مرتاح لكونه ...شاعر !؟
__ ماهو صح ...أبداً مو صح!
بعض احساس الكلمه.. فاجر!
__ هذا الشعر أحياناً... جرح!
_____________________________
علميني إنك الماء
وإن قلبي مثل تربه!
إبذري فيه الهوا، ينبت العشق الندي!
كوّني فيه الحقول،صيري الفلاح.. صيري!
قلبي تربه طاهره!
____________________
هو صحيح إن الرمل وجه التراب !
والبشر" تُربه" إذن كلّه رمال !
وين مقفي ؟ كل شي حولك .. سراب!
ياشحيذ الماء وهو ب أعلى الجبال!
___________________
أقسى من جروح الزمن .. جرح نفسك!
واقسى من الدمعه .. فضيحة عيونك !
تباعد إيدينك ، وتمسح وتمسك !
تطبطب الآمك ، وتركل ضنونك !
_____________________
كل سوري يبكي أرضه ، يبكي أهله ، مات طفله ، ماتت أمه .. ضيّع أُمه كامله ، ذنبه إنه كان سنّي وإنتم أقذر طائفه ، يبتر الله نسلكم !
_________________________
ماقتلنا هالعباد ، ولاتيتّم هالطفل ، ولانحرنا عاجزه ، ولافخذنا هالرضيع! ولاأغتصبنا محصنه ! ياأتفه أتفه طائفه ! يبتر الله نسلكم !
___________________
كان يحملها " قصيده"
وكانت اقرب ... للكلام !
تحمل الفكره ... " وحيده"
بين أرداف ... الظلام !
_____________________
كل أنثى ..
حبّت .. وخانت حبيب !
أسألك بالله...قلي وش فَرق؟
بينها ومابين
أخرى عاهره !
كلهن خانن..وبس!
واحده خانت حبيب!
وثانيه خانت بلد!
_______________________
أحيان إيدك يوم تنمد للناس!
ترجع وهي تشكي على الله منك !
تقول يرسلني لناسٍ بلا أحساس!
بعض الأيادي سود مايتركنّك !
________________________________
تسوّد هالدنيا ويبقى ضياءك !
واقف تشع .. وداخلك تشعلك ... آه !
ماشافوا أرضك بس شافوا سماءك
كم جرح طبطبته وكم جرح تنخاه!
______________________
كنت أرّف الريح يمّي !
كنت أشوفك بين كمّي !
كنت انا وإيديك ... نلعب !
بين همس
وبين شمس !
لين قلتي لي :
نسيتك !
صرت أحس الأرض .. فوضى!
________________
صدقيّني
لو أقول !
المطر دمعه خجول !
صدقيني
لو أقول :
العتب شيخ ٍ عذول !
صدقيني !
صدّقي!
داخلي طفلٍ .. حزين !
____________________________________
كانوا هنا طفلين !
وكانت بيوت الطين !
وتمرهم دنيا ... تتشت الأسماء وتفرقوا.. أعوام !
وضاعوا بهالزحمه !
ولاعاد به باقي!
الا جزء من طين!
كم تنهره .. تزعل !
تغضب !
وتتشعب ، ويزيد رونقها!
ماتعرف الموضه!
أجمل ملابسها " فستانها الريفي"
في خدها كوكب
قِل مصدر الفتنه!
وتشابكوا الإيدين !
أجمل حكاياهم !
في هالسماء الزرقاء .. كم نجم ياسلمى؟
سلمى تعد تعد وتضيع إيديها!
الله ياسلمى تُضحِك براءتها !
كانت بيوت الطين!
في صدرها طفلين !
طفل إتسخ ثوبه ولااتسخ قلبه!
وبجانبه طفله ماتشبه إلا الماء
لالون لاريحه!
بس هي حياة أخرى !
كانوا البشر أجمل!
أكرم .. كثير أصدق!
تشبه لهم يمكن او هم جُزء منها!
في كل جسد منهم!
ماهي بيوت وبس!
تكوّين فيه أرواح !
عالفطره البيضاء
كانت " بيوت الطين"
يوم البشر " تكوين"
... وإن صابها الوابل ، تهتز " طيبتها"
كانت مثل..دمعه، مليـانة الفزعه!
كانت بيوت الطين
يوم البشر كائن
____________________
الله واكبر ... وش كثر طاحت أسماء !
وأبقى مثل خبرك على العز واقف !
يعني لو إن الشْعر نبته .. أنا الماء!
طمن ذراعك ... هالغصن حيل وارف!
______________________
ماقل مقداري..سوا شخص عادي!
ماني بلومه والسما تبعد العين !
والله ذمّ الناس ... ماهو مرادي !
أنا المطر..وآحل يمّ الكريمين !
______________________
:قولي إني جيت صدرك!
مثل ريحٍ طاهره!
قولي إني لو أمر بعض هذا الليل..كحلك!
عابرٍ بين الضياء
شايل كفوف الرضا
بس عابر بس عابر
_______________
كن هالغيمات " إنتي"
والمطر لو طّل " إنتي !
والقزح هو ظِل رمشك!
والسحاب وكل نجمه !
والقمر ياديم " إنتي"
" إنتي إنتي"
____________________
هذي الليله ليلة " شعر"
دام النوم مجافي عيني !
يعني لحافي ، دفء السطر!
والفكره .. تقتاد أيديني !
إما صوت يهز الأرض!
والا الأرض ترجّع صوتي!
____________________
بنت الـ ...❤️ اللي تتناغم !
ترقص فوق الصدر.." السطر "
آهٍ يوم تنادي " إسمي"
يهتز لـها حتى" جسمي"
هذي مو أنثى عاديه!
هذي أجمل إنس الأرض!
_____________________
يجتمع في داخلك طفل ٍ وما !
ــ حقل ٍ وعصفور أو عزفة سِما !
مابعد هالحيّ
تمّتم لك : متــــى !
ليش رايح ؟
إقلط بصدري [ هِنا ] ! ❤️
ــــــــ
*
كم لي أقول السِما
قلبك !
والغيــــــم خدّك
وأنا شاعر !
.
.
كم لي أقول / المطر
عينك !
والغصن ليلك
وأنا شاعر !
________________
من يلوي لك بس ذراع !
لازم تبتر كل إيديه !
واللي عاش وهو " فرعون"
يغرق ب أتفه .. قطراته
يعني من باعك "بيعه ! "
طز "بقربه"
وبـ بعده !
___________________
عادي جداً لو رحتي !
حتى الحزن الأكبر " يصغر"
عادي هذي
اللاعاديه!
تنبت بعد الليل " الضي"
يعني لو غبتي ياأنثى!
شا الفارق؟
بتطل الشمس!
______
طفلٍ يحب الكف..
لو كان قاسي !
طفلٍ من ألعابه..
يكوّن ..مباني !
ماقبل نومه ، يرفع إيديه يدعي!
" يارب"
سامح كل منهو جرحني!
_____________________
في كل صبحٍ يهمسون العصافير !
الله لنا يازهر يانع...وراوي !
جيتك من النسيان ..ريح الأعاصير !
نفسي أضممك ! بس ماعدت قاوي !
____________________
عطني يدي
وإترك الباقي !
لك منّي
أشكرك واتعذّر !
آسف
على الحب ...
وإيديني !
____________________
أذكر إنّا ... نرمي الماء!
نركل أوجاع السنين !
وأذكر الغيمه .. وطّنا !
والمطر يهطل حنين !
ليتنا بس ماكبرنا!
___________________
يبقى الزمن...ذات الزمن !
ونبقى...عقارب ساعته !
وندور حول...سنيننا !
يالتايهين اللي إلتقوا
لحظه !
وفرقهم...زمان!
الله كريم!
الله كريم!
___________________
كان يحملها " قصيده"
وكانت اقرب ... للكلام !
تحمل الفكره ... " وحيده"
بين أرداف ... الظلام !
____________________________
مرت عشر أعوام.. ولازلت واقف !
وآصارع سنيني صراع النشاما!
مرات أهزم واهُزم براس آنف !
ماطحت لا لا .. دام راسي يتسامى!
______________________
مر .في صدر اليدين !
تنبت كفوف..الجبين !
ليش تحزن ؟
...قم تفنن !
قم وراقص..هالحروف !
قم وشكّل...هالكلام!
إرسمه غيم ومطر!
لين هالشعر يتبلل!
_______________________________________
مين أنتم؟
هالمشاتل..من بذوري!
هالغصون الخُضر..نبتي !
حتى رمضا هالفيافي..هذي أرضي ؟
مين انتم؟
ليش مزقتم نباتي؟ ليش شوهتم هضابي؟
مين أنتم؟
________________________
إنت لو طليت
..ضيّ!
تحضر..
حضور الكرام !
ماتشابه..
أي شيّ !
تحمل بكفّك
....غمام !
كيف يوصفك الكلام؟
....يابخل كل الكلام !
____________________________
لاتحكي لي عن التاريخ !
.... إنت الحاضر وإنت ،،
الجاي !
أصنع لامجادك تأريِخ !
كون لـهذا الشجر،،
الماي !
____________________
مريت ياسلمى !
حالي مثل هالناس ! مريت لك عابر !
قلبي على كفي !
ردي على قلبي السلام !
ماكان يطلبك .. الغمام !
ردي على قلبي السلام !
_________________
في عينها : طفلة ٍ لصّه !
تقتاد صوتك
وترنيمك !
تسرق حديثك ونبراتك !
لاشاغب الرمش
إيدينك !
في صوتها :
صدر تفعيله !
متموسق اللفظ
متوازن!
______________
جيت يوم الناس .. غابوا !
قِلت .. لجل الناس .. تسكت!
هذا تاريخي ..زماني!
هذي الخضراء ..أرضي!
هالسماء الزرقاء ..بعضي!
من أنا؟ يمكن قصيده!
____________
هالقصيده .. مثل أنثى في يدي !
صاخبه .. تبتل ريق .. بمرسمي!
تحمل ب أحشاءها ..طفل يْعدي!
تنجبه تاريخ شعر .. بمعصمي!
_______________
قلت أبكتب..لجل تتنفس يدي !
والحروف العابره !
نافذه...ملئى وجوه !
كيف تتنفس..يدي !
والوجوه الحاضره !
مثل خطوه..حايره !
آه ياصوت الحروف
__________________
ابصق عالهمم .. وطنش !
هذا الـ مو شايف له .. حدّ !
مر من جنبه قله .. اووووش !
وامشي .. لاتنتظره .. يرد !
________________________
[ هيكل ٍ ]
عاري ومومس
ممتلئ
بـ أجمل [سخافه]
قالوا التعريف لفظاً :
مجتمع إسمه:
[ث...ق افه]
سيداتي
ــ سادتي !
شكراً
لـ عـار القراءه !
_____________________
ورق / ورق !
ورث/ورق !
كل الشعور ,الخوف من صوت البحور ,والصمت من ناس الصدور !
كذب / كذب !
ورق / ورق !
كل الحكي
:كذبه !
لكنّها:عذبه !
______________
انا لله ... كيف اقدر اجيب لهالزمن ...افواه !
رسمت وجوه في لوحه ... وعيت لاتكلمني !
______________
كيف أحب؟ كل شيء حولي جماد ! كيف أحب ؟ هالشوارع خافته! هالمباني مظلمه ! هالبشر كومة صور ! دون إحساسٍ وروح! ياه ياهذي الوجوه! والملامح بائسه!
___________
من يحبّك .. قد أمك؟ تحملك تسع.. بوجع ! شايلتك وإنت نطفه ! لين تتلائم عظامك ! تزفر الموتين مررره ! لجل تحيا .. لو تموت ! هذي امك بس امك !
______________
ياما عروشٍ طاحت بثورة الشعب ! بلاش يعني من مساس الكرامه ! بعض الحكي بلسم وله وقعه العذب ! وبعض الحكي مردود لاهل اللئامه!
_________________
صبري اللي جاء يعاتب! إنت مامليت مني؟ قلت له والصدر مجلس! يملكه شخصٍ كريم ! ياهلا بحلّك.. محلّك! إرتع آمن ! أرسلك رب الكرم !مالفيت ألا لرحمه
_________________
كل ريح تهب صدرك! ياعساها طيّبه ! ليش ضايق ؟ ليش تزفر؟ ماعلى الدنيا ملام! لو يمر الضيق صدرك! لاتلومه..حبّ طهرك! صدر مؤمن ! لاتلومه وإنت تغري
_____________________
ليش ضايق ؟ مايضيق الوقت في صدر الرجال! إنت أعظم ، كتفك يشيل الجبال ! شوف هالكون الفسيح ! خالقه رب الكرم ! خالقه أرحم رحيم !أحمد الله وإبتسم
____________________
وش يهمك؟وإنتي اللي من تطلي!تخجلين الغيم عنوه! وش يهمك؟وانتي اللي لاحكيتي !تصنعي من الحكي غنوه!وش يهمك! وإنتي اللي نون عينك ضي وانوار وشموس!
________________
ماكبرتي ... باقيه للحين طفله ! ماكبرتي .. لسى وإن قلتي وقلتي ! لسى حتى ماتنامي .. لين أحكي لك حكايه! كل ماقلتي بنام ! قلتي غطيني ب إيّدك!
_________________
صباح الخير
.. لا والله
..صباحك يحتفي بالديم !
صباحك
طفلةٍ بيضا ...
تشاغبها جدايلها
______________________
الصباح إن طل .. إنتي ! والضياء إن شعّ .. إنتي ! والبياض الفاتن .. إنتي ! ياصباح الورد .. أهلاً ! شكلّي هالصبح طفله ! في جدايلها وطن !
_________________
كن المسا هذا غناوي واناشيد!
تفتح على ضلعين للغيم شرفه !
بعض الغلا يحضر حكاوي عناقيد !
تمتد ليديني بشيٍ م اعرفه!
________________
لو خنت ... من خانك !
....وش قيمة ( اشياءك ) ؟
من ضيّع أحبابه...ضاعت معه نفسه !
ياسيدي الفاضل : اكرمه بالفرقا !
جرح الفراق اقوى
_______________
أصنع ل يدّك فممممم !
..... خل الحكي يزأر !
.
_____
.
وش فايدة هالغمممم!
..... لاصار مايثئر !
______________
الناس هذي بخير .. لاتشغل البال ! مافي فقير ولافي حتى آرامل ! وان شفت من هو يشكي الحال .. دجال ! ياسيدي ذا فن مدّ ..الأنامل !
____________________
وظفوها معلمّه ..بين أحضان النفي ! جات جثّه مهشّمه ! وانتهى ...كل الحكي ! قولوا لاصحاب القرار .. عاريه إيدينكم عاريه متعريّه!
_____________
طعم اللقاء ... صدفه ! وثوب الحكي .. ربكه ! جتني وهي عجله ! وكان اللقا ... غمضه ! ياأعذب الموعد ! ويامااجمل الكذبه!
______________
قالت الله..ياحلو هالغيمه..هذي! قلت هذي يقولوا أنثى! تنجب لهالارض طفل!قالت الله!من ولدها! قلت شيلي هالمظله ! شايفه هذا المطر ذا ولدها صافحيه
________
جيت وبكفي كلام ! صافحيه وعانقيه ! ماني شايل غير قلبي ! طفل طيب .. مهما يغلط ! يهرب يدور حضن ! إحضنيه ... وقولي أحبك ! بس كافي ! والله يكفي!
__________
إنتي أدرى بالعطور ! قلبي أدرى بالحروف! وإنتي أجمل بالوصوف! وإيدي تحب الرسم ! كل ماقلت أرسمك ! داخلي طفل إرتبك ! علميه شلون يرسم كيف يحلم!
___________
يبلغك قلبي السلام ..والمحبه والوداد!يشكرك عن كل جرح ! وكل طعنه ! صار أقوى ! صار أمتن ! صار عادي ويتقبّل !الله يجازيك خير..ألف شكراً عالجراح
إذا هم جرّدوا إسمك ! بسيط إن مزقوا ثوبك ! يقولون : الحزن يُسرق ! يقولون :الشِعر [ سارق ] وأقول:إن الحكي [ راشي ] وجوه الناس [ مُرتشيه ] !
______________________________
أنا آسف ..جرحتك ! والحزن يجرح ! أنا آسف ومتندم على كل شيء! تشيليني بنون العين ! وانا أهدي لك الدمعه ! أنا والله متأسف! أنا آسف
____________
قلت لي والطيب باقي ؟ قلت لك .. مثل العشم ! قلت لي والجرح كيفه؟ قلت هو بالصدر .. ضيفه ! وإنت خابر .. صدر مؤمن ! ليش تسأل؟ باقي واقف بس تطمن!
_______________________
ساعديني .. كيف أحبك حبٍ يوازي يدي؟ علميني ليش صدري لالمستيه ... إرتبك ! يااااااه يابنت الغمام! فيك.. يا حلو الكلام ! إنتي أجمل إنتي أكمَل
__________
لاتلومه.. إنت ماجربت ( جرحه)! هذا كاسه .. إنت ماجربت ( نصفه ) ! ذنبه إنه كان يعشق ! كان يحلم ! كان طيّب ! حتى فارق ( نص روحه) ! لاتلومه!
______________
ماتقول الناس (مبدأ) ؟ وإن هذا الكون ( فكره )؟جيت شايل عقل طيّب! وخمسة أوراق وقلم ! لكن إني مافهمت ! صح ذولا الناس مبدأ؟ أو هم أوجاعٍ ومنفى؟
__________
من تراب ... الى التراب ! يابشر جداً ضعيف ! منت مخلوق ب سحاب ! إنت نطفه...من منّي ! لاتكبر لاتعجرف لا تعالى ! الله أكبر والله أعظم وانت اصغر
___________
آه لو الوقت ... يرجع للورى ! وأرجع الطفل البريء ... الفوضوي ! شف كبرت وحولي أصحاب وعدا ! عكس أول تدوي ضحكاتي دوي !
_________________
طز ... ( أنثى صايعه ) ! طز هذي ( ضايعه ) يعني هي مثل الغراب ! قال ابمشي كالحمامه ! مااتقن المشيه ... وبرضو ( ماتذكر مشيته ) !
__________
الحر يبقى حر ...مرقابه الغيم ! وإنت الذي ترقى بهالشعر عالي ! ماني ب اجامل وانت من يرسم الديم ! الشعر طفلٍ...وإنت له أب غالي!
___________
يجرحونك .. وإنت تسوى لك بلد ! كن جرحك ماء يروي فاههم ! المطر يعطي ولايرجي أحد ! وإنت أكرم عن نجاسة إيدهم
______________
جات طرقيه مثل حال العباد ! وإستحلت كل ضلع وسافرت ! ماأحب .. إلا أحب .. إلا الوكاد! إنها في قلب مؤمن ... أذنبت !
_______
على مهلك ... دخيل الله ثم أهلك ! يابنت الصبح .. ياأنتي ! أنا توي .. أسولف لك .. وأغني لك ! عن آخر قصة القُمري ! ولكنك تشيطنتي .. كذا نمتي؟
هم خذوني بالمبادئ والشيّم ! ثلثي الأكرم وثلثيني كرم ! والله إن الصقر يرقى للقمم ! الله اكبر كان قيمّني رمم!
_______________________
أنا موجوع
ياسلمى
وأبي إيدٍ تواسيني
تعانق ماسقط مني
وتمسح وجنتي
بالما
وش اكثر حزن
ياسلمى ؟
وش أكثر همّ
ياسلمى ؟!
وانا ذاتي صفع ذاتي!
_________
أي إيدٍ ترحمك ؟ والف خنجر يطعنك ! قم ولملم طِيبتك.. إنتصب في وقفتك ! كل عودٍ يحترق ! مايفوح إلا بطِيب! أوجعوك؟ الله واكبر! الوجع بعضه شرف!
__________
لو هو إنسان .. الكلام ! واقف وينظر لخدّك ! والحروف الممطره ! لحن شاعر ضيّعه ! ساعدي هذا الضعيف ! أخرجيه من الزحام ! قولي : أحبك ..انقذيه !
____________
قلت أحبك ... قلتي النجمات حدّك ! قلت أحبك .. قلتي الغيمات..عندك! قلت أحبك وإنتي النجم القريب وإنتي الغيم العتيق ! جربي مره وقولي: وآنا آحبك
_______________
لاصرت محتاج ٍ ومديت للغير ! تعطي وكفك بحر ماينطر الرد ! ياعيش عمرك حر عالي مثل طير ! او موت لاتنطر حياتك الى الغد
_________________
بـ يده اليسرى عطر ..يحتضن دفتر شعر ! طاح في وسط الرصيف ! تسقط أوراقه خريف ! وأمتلى الشارع ..... غزل!
_______________
ياطفله بحضن المطر ! لاتلمس كـفوفك عطر ! لاتنظري غيم السـما !خوفي عليك من الهـوى ! وش يحرج رشاش المطر؟ غير إنه يلامـــس يـدك!
___________
الدين شمّاعه لتنفيذ الأحكام !
وابن الترف..ماهو مثل باقي الناس !
الله نوكل كل طاغي وظلاّم !
دام البشر من دون رحمه وإحساس!
___________
كل ماتحكي السنين
الحنين !
كل مايحكي الشتاء
رجفة يدين !
بارد شعور الغصون..بارد ينادي الدفا !
الحنين !
آه يامقسى الحنين !
__________
الذنب: يتشكل إلى إنسان ضدّك !
يحاربك لكن ... يردك لربك !
يمزقك ويشوه اضفار يدّك!
حكمه من الله .. يمكن يرد دربك!
__________________
من كثر مااجرح نفسي ... اليد عيت !
قالت دخيل الله .. يكفيك اسرفت !
اهدا .. وخل الهم ماهو مبيّت !
لاصرت تستغفر على الله ماهنت
_______________
لاالحظ ضدك او هم الناس ضدك !
المشكله هي إنت ... إفهم لنفسك !
تقول هذا الكون تمشي ويصدك!
والكون فاضي لك؟ وفاضي لحسك؟
____________
قالوا إنك ماكبرتي ! باقيه للحين طفله! قالوا إن الغيم وجهك ! وإنك إنتي مثل ماانتي! وإن كل الأرض باقي تصبح لخديك ورد ! وإني أهرب ...بس مني!
__________
#سعيد_موسى @alskab1 ٤ أكتوبر، ٢٠١٣
جيت من صوت السكوت ! وبدفا إيديني حكي ! جيت شايل كل قلبي ! كل شعري .. واركض وكني طفل ! وين ساره؟ طفلة ٍ وتشيل غيمه!
____________
من اللي ياوطن , ساذج؟
أنا طبعاً
... وأنا آسف !
ماطاح طفل ٍ من جناحين
صوره !
قِل : طاحت الدنيا
وماتت أماني !
__________
أنا هذا الطفل
تذكر ! ؟
من اللي حطّم الصوره ؟
رغم طيبة ملامحها ؟
وأنا ذات الطفل
... وأدعي !
ياربّي
تحفظ بلادي !
___________
بلاده
ماهي بلاده !
وناسه
ماهم بناسه!
وثوبه
ماهو بثوبه
ووجهه
خارج الصوره !
وبرواز التعب:
طايح !
من اللي ياطن قصّر؟ أنا أو إنت ماأذكر؟
_________
كبر هذا الطفل وأنبت ! على شف الندا صوته !
كبر هذا الطفل:حلمه !
وأثمر صفعة المنفى!
من كثرماهو حب تربة بلاده!
يظن صوت الأرض:هو صوت أمّه !
___________
يمّد للدنيا أكف السحابه
تمّد له:جمر ٍ يزوّد مصابه !
من كثر ماهو طيّب ٍ ومتسامح !ماقبل نومه يرفع إيديه
يدعي !
يارب سامح
كل منهو جرحني !
_____________
طفل ٍ يحب الكف
لو كان قاسي !
طفل ٍ من العابـه
يكوّن مباني !
طفل ٍ رماه الوقت
في حضن غابه !
حتى الوطن
ينهش مواطي ترابه !
___________
قلت أحبك ... كل نبض يردد إسمك ! قلت أحبك قلت لك! وإن هذا الغيم إنتي! وإن هذا العشب إنتي! وإن كل الحب إنتي .. إنتي/ إنتي!
________
كل وجه يمرني .. فيه منك ! جزء منك ! كل خصله من الجمال ! شي منك ! يسرقونك هالبشر ! أتخيلي؟ حتى الغيوم ! تشبهك في هالمطر!
___________
الحزن لو ماشاف قيمه ل صدري ! مايسكنه ويحل ضيفٍ معزز! كريم ٍ معه وش أكرم ؟ وجعني وجيت صافحته !
______________
كأنك تحرث أوجاعك! وتزرع داخلك طعنه ! وتصبح لجل تسقيها! من أنقى زمزمك .. دمعه ! وتحصد نبتة اوجاعك ! بقايا فضفضة ... كمّك!
_________________
أبد مافي ولاحاجه !مجرّد دمعه!وطاحت!أبد من قال متضايق؟مجرّد هم لاتهتم !بخير!وكمي الغرقان! أبد ماهوبسبة دمع!اهو غرقان من غيمه ترش رذاذ واتبلل
__________
يلا نام ! حتى هالشمس إنطفت ! يلا نام ! شايف الناس اسبتت؟وإنت صاحي ؟يلا يلا يلا نام ! كيف أنام ؟ هاتي صدرك !بس ضميني وانام !
__________
قم .. تعال ! خذني لهذي الغيوم ! قم تعال ! ودي المس هالنجوم ! قلي إن الغيم طفل ! والسما الزرقا هي امه! أحك لي أيّة حكايه! لين أنعس ثم أنام!
_____________
قالت تجي؟ لازم تجي! وأقفيت ادور للسحاب ! للغيم في وجه العتاب! خانها الموعد .. غدر! نامت وهي تقرا شعر! شطرٍ كتبته للمطر( كم شفتك بكل العيون)
__________
البارحه .. طيفك تسامى على الغيم ! وحدي شعرت إن المطر بعض عطرك! لاتكسرين الوقت يازهرة الديم! كم لي اقول الوقت .. هو نبض صدرك؟
____________
إحساس؟ ماكني معك غير هالناس! أو كني الأب الذي فاقد إبنه!من هو لفى حضنه نسى كل وسواس! اكبر همومه يحتضن كل حزنه! إحساس؟ قولي إني اشربك باحساس
___________
اللي سرق قوت الفقارى البسيطين/ماهو ب إنس وقول مو كائنٍ حيّ/مايكفي إن الشعب ترثى له العين/باقي يهينونه وهم ناس لاشيّ
____________
تبكي إذا قلت أنا آحبك !
وتبكي
إذا قلت م آحبك !
هالبنت
كومه من الإحساس!
أنثى
من المسك مخلوقه!
تتعب تقول: إنها فتنه!
فتنه وبس؟
قول حوريه!
____________
ونعزف
ـ والنغم هادي !
بلادي بلادي بلادي !
ونعزف
ـ والحزن شادي !
بلادي بلادي ـ بلادي !
وتتراقص لنا / الفكره !
يجوز الشِعر / ميلادي !
_____________
ياسيّدي الفرقا !
سم ٍ
ووجه أفعى !
ياسيّدي الفرقا!
هي ذاتها
المنفى !
فيها الورق شاحب !
والحبر
... هو دمعك !
__________
بحة ناي..وفتنة ماي ! طلة بدر وهيبة شمس! فتنه فتنه هالأنثى ! أجمل واكمل..نفل وفلّ! اصدق واعذب ابعد واقرب ! تسكن قلبي وايديني!
____________
لو كان هذا البحر هو ريق هالأرض ! أتخيل أمطار السحب دمعها الحار ! وش قد أحبك؟ كبرها طولٍ وعرض! وتخيلي وش قد ..مليانه اسرار!
______________
قالت تحب ؟ قلت السما ياهي عجب! قالت تحب؟ قلت المطر دمع السحب ! قالت تحب؟ طيب تحب؟ ! قلت إلمسي صدر الحكي ! نبضه يقول إنّا نحب والله نحب
_______________
شاغبيني
...وش يضرك؟
غازليني
...لجل أحبك !
شايفه...ضي القمر، والنجوم وهالسحب؟ حبي اكبر .. اكبر ، اكبر ! وإنتي قطعتي الورود!هويحب او مايحب
____________________
محدٍ درابك لو إنك طحت ، محدٍ درى بك لو إنك صحت ! بس المهم .. ماتكدرهم ! مو إنت قبل امس شايلهم ؟ الله م اقسى قلوب الناس
_______________
.إلا من قلت ( زهراني) .. يطيح الغيم لإيدينك ! وربي إنها كلمه عظيممه مانجاريها #تجمع_زهارين_تويتر
___________
تدري وش اللي هزّني في رجوعك ..
إني فقدتك كثــر ماكنت فاقدك .!
ماشفت من شوقك حكايا دموعك ..
يعني غيابك نفس منظر تواجدك .!
___________
بلادي .. طفلةٍ بيضاء ... أجلّسها على فخذي! بريئه ... مورقه ..
خضراء! وهي تحتاج لأحضاني
وتتمدد على صدري!
____________
كل نبض يردد إسمك ! كل مافينا يحبك ! إنت اجمل ياوطن .. إنت أعظم ياوطن ، يااااه ياأرض الهدى والمبادئ والتُقى !
___________
لها إحساس ٍ وتشعر , تحب وتُكره وتغضب ! إسم فارغ : إسم فارع : إسم أبيض إسم أسود ... لها وجهين تعنينا / دواخلنا وخوارجنا
__________
انا مااحضر كذا... عادي! أنا في كفي الغيمه! إذا شِعر البشر .. غادي ! أنا أصنع للشِعر ( قيمه)
____________
مريتي ب صدر الحكي ! ريحان وزهور وعطر ! كانت يدك تمسح يدي ! في لحظة عناق المطر! الله ياغيم ... الكلام ! إصحى وطيّر هالحمَام !
___________
الليله عطرك..من سحاب ! الليله صدري..يحتفل ! الليله وجهك والغيوم...أشياء بيضاء تكتمل! الليله هذي من شعر..وإنتي الحكي كل الحكي!
___________
مو مشكله لاصرت تعرف عدوك ! المشكله لاصار لك صاحب أفعى ! يعني تمد الطيب لإيديه توّك! ويعض إيدك .. ثم تتشكل ( إصحى ) !
_________
عادي ( يرّفونك) كذا...ثم يمشون! وإنت الذي غمضّت عينك عليهم ! عادي ( يواسونك) وساويس وظنون! عادي ... لو إنك قلت: تبّت يديهم!
____________
قالوا شاعر..قالوا كاتب..قالوا وقالوا كثير! ماني كاتب..يمكن أشعر ( والشعر صوت الضمير) ! ماني مسؤول أو أمير ! شخص عادي... يحلم ب إيده تطير !
___________
هالورق...من غصن ( طاح) ! وش شعورك؟ باقي قلبك ما أستراح؟ وشهو ردك ؟ لا أبد...مابه جراح ! كم عزيزٍ بس طاح ! لا أبد..مابه جراح!
___________
الحنين اللي أحسه...مو شعور ! بعثره ... تشتيت .. افكار .. وسطور ! لاتقولي لي أحبك .... أرحلي ! او تعالي لاتروحي ......شايفه؟
__________
هذا دمي ..ماهو دمك..هذي ايدك ماهي يّدي! هذا بيدك..تطعنينه ! ماهو قلبك ! هذا قلبي صدقيني ماهو قلبك ! شايفه وش قد ساكت ! لكن انتي ماستحيتي!
____________
روحي في دربك ... وادعي الله يهنيك ! ثوبي إذا هو ضاق مني ...نزعته ! ماني بجايب غير بالخير .. طاريك ! والجرح (فدوه) لو تباين سترته
_______________
حتى وأنا في عز همي ... ذكرتك ! والمشكله ، أكبر تفاصيلي ( أشياء) ! نوقف هنا ... مادامها ( أشياء ) ... ( بعتك) ! ماعاشت النبته إذا جف هالماء!
__________
كنت أكتب ..عن بلادي ! وعن نوارسها حكايا..وعن مشاتلها قصايد ، وان فيها الناس تمرح ..لا أبد ماقلت تجرح ! كنت أحلم..يابلادي ! كنت شاعر بس حالم
____________
إذا هم جرّدوا إسمك ! بسيط إن مزقوا ثوبك ! يقولون : الحزن يُسرق ! يقولون :الشِعر [ سارق ] وأقول: إن الحكي [ راشي ] وجوه الناس [ مُرتشيه ] !
____________
يهزني شوقي ... لشمر وحايل !
.....ومصافح إيديهم وريحة عطرهم !
عزالله اني مانسيت الجمايل !
اهل الجنايز ... منهو اللي جهلهم ؟
_____________
آه يا مشهى الكلام ! إنطقيه يصير أجمل .. أعذب .. أكمل ! يزدهر ويصير ورد ، أنطقيه وهاتي إيدك ! ألمسي صدري ونبضي ! والله ضلوعي غمام
__________
غني..غني..غنيلي!ودي ألمس هذا الغيم!غني غني بتبعثر!وأشعر اني طائر حر!غني غني ياقمري! يرقص كل ضلع بصدري!غني يمطر كل الغيم،وانا الغصن المتبلل!
__________
مكه ... أم الأرض
هي مجد الأمم !
مكه
الأم الحنونه،للمدن !
وأهل مكه ... مرتوين بطهرها!
ناسها/احياءها/أركانها
أشياءها!
اكثر ..اكبر من شعر!
__________
ثرثرة هذي المباني متعبه! كني أسمع صوتها باابوابها! هالشبابيك الحزينه ... في الحجاز! ترتسم لي وجه أنثى مقفيه!
_________
في بلد مليان نفط ! عاجز يدور رغيفه ! حطوا دمع .... أربع نقط ! صعبه اللقمه ... النظيفه ؟
__________
إنتي أصلا بيت الضوء ! وانتي جسد الأرض الحي ! وانتي كل أحبار الشعر ! وانتي سلالة هذا الغيم !
__________
احيان ... تشرب معك دمعه .. واحيان من يشرب الثاني؟ أحيان ودك تبوس الغيم .. واحيان تصفع يدك .. أرضك !
________
أخت القمر... نجمه وتعزف على الغيم !ماالوم نجم الليل لاصار شاعر! هي ممطره؟لا لا وقل جزء من ديم! هي فاتنه ؟ قل ضي ساطع وساحر
__________
عايشه هالبنت في ذمة رجل !
.... نصفه إنس ونصفه الثاني جماد!
كنها ورده وتوشك تنذبل !
.... لارحمها ولاتركها ... للبعاد !
___________
إنت وينك ؟ كل إصبع من يديني .. قال وينك! فاقدينك! ناطرينك! كل ضلع بجوف صدري .. فاقد إيدك! إنت وينك؟ ياني مشتاق لجبينك ..رمش عينك! انت وينك؟
___________
يابلد ...ضاع الكلام ... وإختفى بين الزحام ! يابلد أم القرى والمبادئ والرؤى ، قلت لي إقرأ ... لمن؟ والبشر كومة صور
_____________
ياسيدي ماعاش من هو يهينك!
... العود لو هو يحترق فاح طيبه!
لاتبتأس ... تكرم ويكرم جبينك !
... ماذمك إلا شخص مليان خيبه !
__________
طاوله واربع كراسي...بيرتين ونادله ! صاله عتيقه ...أدخنه !وناس جداً ..فاقده ! في الجانب الآخر شاشة تضخ أخبار! تنبئ مصادرنا عن قصف في الغوطه
_________
ليش اسولف عنك .. فيك ! وليش من تلمس يديك ! آخر يدين السكوت! يعتلي بالصمت .. صوت! وتكبر أزهار وطفل ! طفل ينشد للمطر ! والسحاب يصير ناي!
__________
الغيم هذا ... يشبه إيدينك كثير !
وانا طفل مبلول ويشاغب إيديك !
هذا المطر خلاني أصبح مثل طير !
أحتاج صدرك كثر ماأحتاج خديك!
___________
الشعر هذا ماء وإحساسنا أرض!
تزهر به الدنيا وتخضر الأوطان!
والله ورب الشعر والناس والفرض !
إن الشعر مائي وتحيا به ألوان!
__________
كأن وجوه خلق الله .. كئيبه ! صدرك الأجمل ! أو إن وجوه خلق الله .. بريئه ! وجهك المُثقل! أو إنك كائنٍ آخر ! أو إن الأرض تتشكل !
_________
بذرت من حرفي --- الفكره!
كوّنت منها -- نسيج الماء !
محدٍ تجرأ --- على البذره !
خبيتها --- بغابة المعنى !
__________
إبذري من الأحرف ... كلمه ، ومن الكلمة ماء ! فلن يجرؤ أحدا أن يعبث بغابات المعنى !
_________
شموع السبعه وعشرين !
شموع .. شموع ؟
أو ظلمه؟
قدررتي تنجبي
... طفله !
وانا ...
أنجبت لك ظلي !
__________
مروا الناس ... الوجوه ! والزحام اقتادني ! وش كثر إيدي تتوه! كن طيفك زارني!
___________
خانت اللحظه ... يدي ! مثل ماقلتي ! نسيتك ! ماأذكر إني قلت شي ! وأذكر إني بس مشيت ! داخلي ... طفلٍ بكى ! وأنزوى خلف العيون
____________
كادح جداً ! ساذج أكثر ! مرّه فوق ـ مرّه تحت ! مرّه تلعن - مرّه تمدح ! ياخي الدنيا حلوه جداً ! حلوه بلادك ! تشبه أمك !تكرم أمك ـ أمّك أطهر !
_________
أحيان ...أحس إني على أعلى...غمامه ! وايديني البيضاء!تشاغب سحابه! واحيان احس اني على كتف النوارس! وآمر عطرك..حلم في جفن ناعس
____________
كل ماهب النسيم وسلهمت ! مال غصن الشعر من فوق العيون! في ظفايرها حكايه ماانحكت ! هي غمامه سيلت كل المزون
_____________
افا يابنت الناس مايلحقك ضيم ! دامي على هالأرض استرزق وحي ! كان الضما ظالم ف انا صدري الغيم ! وان سودت دنياك مديت لك ضي !
_______________
قالت تخيل طفله بدون ابوها؟ العام يحضنها وهالعام مو فيه ! من كفنوه العام هم كفنوها! لاناس لافرحه ولاباست إيديه!
________
قالت : م احبه،بس أنا ودي ألقاه ! قالت:م احبه بس بس هو مشغل البال ! قالت: م احبه بس لاشفته ..اللللله ! يهتز صدري كن بالجوف زلزال! يمكن أحبه؟
____________
أحيان ....
أحس إني على أعلى ... غمامه !
وايديني البيضاء !
تشاغب سحابه ! واحيان احس اني على كتف النوارس! وآمر عطرك ... حلم في جفن ناعس!
___________
كل ماهب النسيم وسلهمت ! مال غصن الشعر من فوق العيون! في ظفايرها حكايه ماانحكت ! هي غمامه سيلت كل المزون
_______________
فِي قَدَمَي طَبْشُورَةٌ مِن تَارِيْخ !
مَابَيْن شَفَتَاي حَضَارَات الشِعرْ !
هَل عَرَفْتِنِي ؟
أَنَا الْقَصِيْدَة !
فِي يَدِي مَاءْ !
فِي فَمِي سَمَاءْ !
فِي عَقْلِي غَيْمَه !
مَابَيْن أَصَابِعِي خُيُوط ٌ بَيْضَاء !
______________
هزّي بشعرك...رياح الغيم ! والكون يمطر ورود وفُلّ !ريمية القّد...والفتنه !شيهانة الكحل والهيبه ! العيد ماهو بعيد وبس ! العيد ياعيد مو كنّك ؟
____________
خدودك والسما ...الحان أغانيها...زهور الريف ! صباح العيــد أو لا لا ! صباحك أنتي ويكفي ! قومي أرقصي للغصون الــ ما ثم بخري الكون باأنفاسك !
__________________
ياعيد العيــد ... حوريّه ! تمارس هالخجل عنوه ! ياعيد العيد ...معذوره ! إذا رمشك سقط فتنه ! تشيلين البشر .... غمضه ! وطعم التوت بــك غارق !
________________
ياأبطال الجيش الحر! كل عام وأنتو أبطال! ياأهل الهممه والشيمه! كل عام وانتو القيمه ! عشتوا رجال ومتوا رجال ! أبطال وأبناء أبطال..
_________________________
ماني محتاج الشعر.......!
..... والله أحتاج ... الكلاااام !
