يسعد صباح الكرز والتوت ! متعطر الصبح ب انفاسك ! في طلتك يخضع الياقوت ! معذور يخضع لبسماتك !
________
غازليني وعانقيني ! ياني أحتاج لحكي !امسحي خدي وثغري ! طبطبي كتف التعب ! ياني محتاج لصدر،ارتمي فيه احتمي ! ودي اهرب حتى مني ! خبيني بس خبيني
___________
هذا الحكي طفلٍ حضننته بصدري ! لكن مشاغب كسّر الباب ... واقفى ! الناس شموا في براءته عطري ! ردوه مُتعب ممتلي ناس واسما !
___________
علميني...كيف ثغري ينطق اللفظ ب عطر ! وفهميني إني ألبس من دفا قلبك ..مطر! وآتبلل..وآتهندم .وأنتشي ! ليش هذا الغيم مغري؟لنّه إنتي...إنتي إنتي!
____________
غنّ دام الحزن فنّ / كوّن بجرحك لحن ! موسق هموم الصدر ! خلّها بـ الجوف تعزف! وإنت من هالحرف تغرف ! إنت أعظم من حزن! غنّ ياخي /غنّ غنّ!
______________
ماعرفت أكره
وأحب !
ماعرفت .. الناس !
كاس !
أو هم ... جذوعٍ
وفاس !
أو هُم ــ شيّ من الخنّاس !
أو هُمّ ... هَمّ وكم وسواس !
أو هُم .. أطيب , وإلا ... أجمل !
وإلا ألعن ... وإلا أكرم !
وإلا أكذب .. أو هُم أصدق !
ماعرفت .. أكره
وأحب !
ماعرفت إلا ... أحب !
____________
عطشانه إيدّي .. ياسلمى! خدّك نهر ..فايض ٍ ماءه ! من قال مابه يد ٍ .. تشرب ؟ لاشاف خدّك ... ضمت يدّه !
__________
من كثر ماهالصبح يغري يديني ! ودي اشكّل هالورق غيم ٍ وديم ! وينك ؟ تعالي .. شوفي الناس فيني ! ورود تركض في سنا خدك تهيم !
___________
كم لي احاول أحبك صح ! ... يتعثر الحب في صدري ! شوفي هنا .. إلمسي هالجرح ! .. منه يتوجع بعد .. شِعري !
___________
عسى ماشر ؟ علامه صدرك الطيب ؟ سلامة روحك وقلبك ! عساها تفهم الضيقه .. بإنك أطيب الأطيب .. دخيلك لاتضايقتي .. تحسي فيني بصدرك .. انا جنبك !
___________
لأن الصبح يحضر بك ! جمال يجمّل الأشياء ! ارف الصبح في صدري ! واضم الناس في عطرك ! جميله إنتي وربي !كأنك غيمةٍ بيضاء !
____________
ليست هناك تعليقات:
إرسال تعليق