قلت أحبّك ..
قلتي " بدري "
قلت أمس .. وقبل غيمه !
قبل كم نجمه .. ونجمه ..
لي زمن .. أكتب بشعري!
قلتي " طيّب ماتكفي"!
شلت قلبي قلت هاكِ !
...
الله يصيب اللي يجافونا
.. كذا!
واحنا غلابا .. ودنا
في ودّهم!
نقلق عليهم ..تكثر
أن فيهم .. وإذا؟
وان جو ..نرحب
وانتناسى صدهم!
..
كأن الريح .. تحملها
عطر .. يمتد في صدري!
وأتنفس ..
" أنا للـه يـاالله"
وأغمض عين .. تغفى لين
أحسّ .. ببعض أناملها
وأتنفس!
أنا لله ياالله!
...
الماء حكايه.. لليدين البريئة !
وإنتي غمامه تمطر الحب للناس!
في نظرتك طفله .. وأنثى جريئه!
من تشربين الما .. شرب فمّك الكاس!
..
تبكي على الأطلال !
واشعارك .. الثكلى !
هذا زمان الـ غير ..
إصحى .. صباح الخير!
لااصحابك .. أصحابك!
وأشعارك .. اشعارك!
الوقت .. متغيّر!
...
في كل يوم يمّر .. بك طفل يكبر!
وبكل عام ٍ .. شاربك يكتسي شيب!
إحنا نحب .. وحبّنا ورد يـزهر!
في مجتمع مفهومه ان الهوا " عيب"
...
يارب .. عبدك ضايق الصدر يارب!
والهم جندي من جيوشك .. قوي باس!
في داخلي فوضى وحاله .. من الحرب
خايف أطيح .. وطيحتي تلفت الناس!
..
حتى الشيوخ اللي على الناس " يقرون"
مريتهم .. أشكي من البعد .. حالي !
قروا عليّه وأنفثوا .. ثم .. يتلون !
قالوا .. فتنك الله وفارقت غالي !
