‏ماعاد باقي شي منه نتألّم !
من وين مانقفي تجينا المواجع!
قل إننا من كل جرح نتعلّم !
ماعاد تفرق لو تقول أنت راجع !


....



 ‏قل للذي صدّوا " خذوا " معكم الباب!
يامرحبا واهلين ..ماهي غريبه !
في هالحياة نفارق أصحاب .. واحباب!
والطير لا روّح ، وفاءه يجيبه!

...


 ‏ودك تعيش الحب عيشه مع الغيم
الأرض هذي ماتساوي جبينك
اقلّها لاشتقت يرسلك الديم
يروي خفوقك لين يشبع حنينك


...



 ‏طفلةٍ بالصبح صحوها " غصب "
حالفه إن الإجازة ماأنتهت !
مشطوها وعطروها وتنتحب !
ودها بالنوم ياقلّ البخت ..


..


 ‏العيد يبقى عيد .. رغم المشاهد !
أحدٍ يعيّد والحزن شق كمّه
ورْجال ع الحدّ الجنوبي تجاهد
وهذا ملك دوله ويستقبل أمّه !



...


 ‏اللي يبي فرقاك قله تفضّل
الارض ماضاقت ولا قلّوا الناس
مادامه اختار الفراق وتعجّل!
ودّعه قبل يروح .. لاتحني الراس!


...




 ‏لاشفت لك ظبي في مكه !
حرام صيده .. وش تسوي؟
لاسلهم يصيبك .. بـ ربكه!
داخل حدود الحرم .. تنوي؟


...



 ‏اللي يغيب أحيان مايقصد الهجر
يمكن حوار النفس في لحظة الصمت!
بعض الغياب أحيان كم يشبه العطر!
يبقى الأثر أحسن لو إنك تألمت!


   ...



 ‏تجرحها الريح .. بخدّيها!
وينرفزها ضيّ الشمس !
تتأفف من صوت الشارع!
ومن أضواء .. السيارات !
تحب تشوف الغيم وبس!
ويطربها صوت الأمطار!




..


 ‏ضيّعيه؟
وش عليه ؟ ماعليه!
وإن لمستي نبض قلبه ..
صافحيه!
ماعليه! شي يبيه!
وإن تفارقتوا .. غصب!
عانقيه .. يمكن تجور الحياة..
وتفقديه!
ودّعيه!

...



 ‏الصحوه : غفوه .. كُبرى!
الصحوة : مبدأ ..يُشرى!
ياأستاذي الفاضل / ركّز!
هذا يفصّل .. هذا يطّرز!
إنته تلبس!
قرّر .. قرّر .. مره!
إصحى / قوم!


...