إنت ذاتك !
ماتغيّر شيّ ... عادي !
إلا .. ذاتك !
كل شيّ ... كون إعتيادي !
أمنياتك : هيّ ، هيّ !
ــ واغنياتك : هيّ / هيّ !
ماتغيّر أي طاري !
بس قلوب الناس : ماتت !
____________
تعرّت هذي الدمعه !
وعرّت صدري
وعِطري !
يقولون : الحكي يوجع !
وأقول الصمت :ترنيمه !
وعزفه / قاسيه / بيضا
ونزف ٍ أسودٍ / قاتل !
تعبنا هذي الغربه !
تعبنا من مشاعرنا !
مبادئنا / قصايدنا !
حكايا أكمام .... تبترنا !
تصّدق يافهد : جُمله ؟
ترا مابالوطن : كذبه !
ولكن كذبته : ناسه !
جميلة تربة الموطن !
بريئة / ناصعه / خضرا
ولكن البشر : شاحكي ؟ !
شفضفض لك / ووش يكفي ؟
تدري وش اللي
يقصم الظهر فعلاً ؟
لامات حلمك وإنت واقف
تشاهد !
أحلامنا ..... أطفال : ليش أقتلوهم ؟
بإي ذنب ٍ ِيؤد الحلم : يُقتل ؟
ماهم بـ / ناس اللي
يمصون دمّك !
هذي جثث تمشي وهي تحمل
الفاس !
_____________
تظهر مرّه !
في كل يوم !
ضيّ
وفيّ
ونور
وسور !
قمرا .. تطّل وتتسامى !
حتى تسمى
باأشعاري
قصة ماهي مكتوبه !
لوحه
ماهي مرسومه!
_______________
الدّق ماهو للرجال العزيزين
ـــ واللي بصدره سمّ يصعب علاجه !
الحقد آفه والبشر بين نوعين !
ـــ نوع ٍ كريم , ونوع طّفى سراجه !
______________
تغريني البسمه
البيضا ...
أو سالفة ديم ... في خدّك !
يغريني العِقد ... يتدلى !
لامن تمايل
على صدرك !
يغريني الثغر
... يتباهى !
لامن نطق كلمة : آحبك !
مابين كل الحكي ..
روحك !
يا كثر ماتغري الطيبه !
هي طيّبه ..
لا !
لاوالله !
هي أطيب الناس .. وأجملهم!
لاجيتها , قلت : متوّجع !
قالت عسى هالوجع فيني !
من دون يلمس طهر
صدرك !
.
.
كانت كذا
قبل ماتكبر !
والله كانت كذا !
وأكثر !
_____________
عادي ترف الليل يرمش لك الهم?
ــــ عادي يصيرون البشر لعنة افواه!
عادي تنادي جرحك اليوم يااااااعم?
ــــ مادام لك حاجه وودك بملهاه!
_____________
في خدك : المسك العتيق!
في عينك : الليل العقيق ....
في صدرك : أطفال الطريق , الهاربين من الضما , الحاضرين من الشتا , الخايفين من المسا , اللاجئين من البكى !
في جبينك : شمس بيضا , ناس وأسما , بعض رقيا , وألف صدق ٍ وألف كذبه !
ليست هناك تعليقات:
إرسال تعليق