هالصبح يشبه طرف عينك !
ــ أو إن عينك وليـدة ما ؟
عصفور صبحك بكفيّنك !
ــ مغرور ويوزع الأسما !
فيروزي الصبح بجبينك !
ــ ينبوع زمزم وأنا أضمى ؟
يسعد صباحك و خدّينـك !
ــ قطعة كرز تحتفل بالما !
.
.

____________

عندي سؤال ٍ
وأبي أفهم !
..... تلميذ نشبه
... يبي له شرح !
الشمس
... تشرق بنصف الليل ؟
إن كان لا
... نور من هذا ؟
قنيّنة الغيم
... أستاذه !
بعكس سؤالي !
ولي مقصد !
الشمس ماتشبه جبينك ؟
ماني بفاهم
... ومستوعب !
أن القمر ... يشبه لخدّك !
وإن قلت أقيس الحكي ... عقلاً
تأويل هذا ... يجي عُرفاً ؟
بالمصطلح
... مصطلح يسأل !
أنتي بشر ...
مثلنا بالأرض ؟
أيه أدري إنك ... على الكوكب !
لكنّ غريبه ... بك الأشياء !
وإن قلت أبثبت
... وبالحجّه !
وشلون أجي أسألك طيّب ؟
ياحول !
ماني أبد مجنون !
ولاني بشاعر ... ولابطيّخ !
المسألة ... كلّها
بفهم !
انسأنه أنتي ؟...
من أية جِنس ؟
إن كان نورك
... شهب إنسي !
وإن كان خدك
... مليئ شعاع !
وإن كان عينك
... سحر هاروت !
وإن كانت إيدينك
... إسواره !
وأن كان رسمك
... مهو عادي !
من حقّي أنشد !
تبين الجد ؟
استغفر الله ... قبل أفرط !


____________

ماهي الشمس ...
وظلام !
ولاهي أرداف الشفق !
ولا على مثلي / وقِل ّ
وش عليه من العتب ؟
أو مشاريه التعب !
أو مداهيل وحسب !
يالله !
الله بالنهار !
يمكن تبان المرايه !
تكسر الحجّه
وشايه !
وش خسـاره ؟
لا خساره !
مابه خلاف .... وعتب !
جمرة !
وترمي مشب !
لاطفت ... زيح الرمد !
وازرع بطيفك وتد !
وأمسك العود الهشاش
وارسم وجوه وصفات !
وقلّي الرسمه / خطوط !
تستوي ثم تعترج !
تنحني ثم تستقيم !
والعذر !
مابه عذر !
وش بعد ترسم / رصيف ؟
طحت
مع آخر رمد !
والرصيف اللي رسمت
يسلكه مليون وجه !
وإنت ياغافل .... ضعيف !
مارسمت إلا خيال !
لو قدرت / احمل رمل !
واصنع وجوه وجبل !
صاحبي ماهو عتب !
مابقى فيها عتب !


_____________
.
.
رشفة حلى
طاغيه .... وأكثر !
سكّر إلهي .. ومتهييّ !
توت اختلط وسط كوب الما
حبّة كرز !
تعتلي الكاسه !
هالكوب يخجل ... من الضمّه !
ماتشربينه !
وهو يشربـك !
متعطّر الكوب باأنفاسك !
يمسك يدينك
ويحضنها !
اغار ... واسمع ... تراتيله !
كنّه يقول : انحنى حظّي !
ياقوتة الأنس تشربني !
يتملعن الكوب ... يتمّرد !
ويطيح بعضه على خدّك !
اهمس له أركد !
يقول : أصبر
هي مرّه أشرب
حرام أدفى ؟
يخرب أبو الكوب مو صاحي !
يغازلك ... كيف قدّامي ؟



____________

شلّال واقف
... ومتغطرس !
...... ويطيح منّه كَذَا خوخه !
في كف ليلك
نويت أدرس !
..... ياخوفي أسقط
من الدوخه !


______________


مدّي أشفاه الحكي !
مابقى عندي كلام !
.
.
مرّت الدنيا حروف !
واستحيت أخطي بها !
أن قلت بنطقها / خطأ !
وإن قلت بقراها ... بَعد !
.
.
ساعديني .. أحكي أكثر !
ودي أشعر
أشعر أكثر !
مرتبك هذا الحكي !
طمئنيه ... بطبطبه !

_____________


أعطيني الليل في كفّي !
ـــــــــ وأعطيك صدري وكم غيمه !
تعبان حيلي وذا عزفي !
ـــــــــــ الناي تبــــكي ترانيمه !
.
.
جيتك
وأنا ملتحف جرحي !
بردان
بردان
وابغى أدفى !
هالناس
ماهم بحيّ الله !
هالناس يازهرتي
منفى !
من كثر ماابعد
أقول أبعد !
والقاني أقرب من أكمامي !
ياثقل همّ الشهم
يكبر !
كل ماكبر ....
تصغر الفرحه !
.
.
مدّي لي الورد .... في عينك !
......... محتاج أحسّه يسامرني
مليّت أحيك السّما ... وينك ؟
......... محتّاج خدّك يعطّرني !




_______________-

.
.
لاتتعبين الكحل
غمضـه !
هالرمش ... مُترف !
ومتحنّي !
أيدينك الما ... وعصفوره !
تنطر حكايا الحبق
والسيــل !
شيطان خدّك .... وبه فتنه !
موال صوفي !
ومتوهّب !
يرقص ولو رقصته بدعه !
بس فتنة الشئ
في ردعـــه !
ودّي بك ... الورد والسّاعي !
والورد ... يلوي لي ذراعي !
يازفرة الليل ... يا أنـّه !
تستدرك الناي !
والراعي !
خفّي على الناس .... في رقصك !
حتى خُطَاك إسمها [ عزفه ] !
هالأرض تخجل من اقدامك !
تفرش لك الريح !
بالراحه !