السياسه / مو فراسه!
السياسه .. إثم تافه ..
وأربع وجوه ..تتشابه !
كلها ملئ ... نجاسه !
إنت منهو؟
إنت كوب بفم ... آخر !
ماء طاهر!


_________


مالهذا الشعر ... مينا!
ولالهذا الصوت ... مركب !
كل حرف يمر ... فينا !
كان خيل ٍ .. مر يركض!
تسأليني منهو أنتوا؟
إحنا تشكيل .. لـ يدينا!


_____________


أبسط الأشياء ... ضحكه !
تعتلي وجهك ... غصب !
إركل همومك .. ببسمه
وانفث يسار ... الغضب !
إنت أجمل !
إنت اكمل !
لابتسمت تصير .. نورس!

____________


قلت أغني .. يمكن أسلى!
يمكن أنسى .. يمكن أسهى!
قلت أغني!
يمكن الحزن يتلّون! والفرح فيه يتكوّن!
آه مااقسى الأغاني !
يوم تسرف بالأماني!


_____________


كل أنثى ... مثمره!
وكل إسمٍ تحمله ، غصن مال بحلمها!
كل أنثى ... تُحترم !
روحها .. قبل إسمها!
النساء :
،شمعة أمم ، تحترق لجل العطاء

_____________


نسيتي عطرك .. الثاير !
على خدي .. على ثيابي!
وروجك ..غرّق أهدابي!
تجين وتحملي غيمك!
وانا كفوفي ..هي الغرقى!
وصدري طفل يتبلل!


___________

وبكل بساطه
أرفضك
" لو كنتي أجمل فاتنه "
لو كنتي " إنتي العاصفه"
قلبي هو المركب !
...حتى الفراق أصعب!
ماقلت إلا " أرفضك"
مادام قلبك " مُرتبك"

_____________


صنعت لك إيدين من ستري وهات !
والله إن الجوع كسّر عظامي !
اغرف مادام إني غرفت المسافات !
قد كنت طفله بس هذي حطامي!