لاصغرت ... ولاكُبر غير الحلم !
ـــ وآخر اشياء الصبى ... لعبة طفل !
تذكر إنك قبلها... شايل قلم !
ـــ طفلٍ أبيض.... بس خانته الجُمَل!

_______________


بجمع [ قصيدي ]
... وأحرقه !
وآلملم أوجاع السنين !
والليل
وجذوع الحنين !
وأغصان
كانت مثمره !
ياهالقصيده
.. حافيه !
وش قد
تُكتب... عاريه!
#سعيد_موسى

______________

.
.
.

من علّم أصحابي !
الطعن في ظهري !
إلا سما ... صدري !
وإيديّه البيضاء !
ياصدري الطيّب !
بعض البشر ... تجرح !
وإنت أكرم .. وتصفح !


_____________


حدثوني عنك
في حكي السنين!
قالوا إنك
غيمه وجيتي
ترف!
قالوا إنك
نصف إنثى
من سحاب!
وإنك أصلاً
سالفة طفل القزح!

_______________

سمّ الشِعر طفل ٍ فقد كل أهله !
ـــ صدري تكفّل باليتيم ويربيّه !
جيته وطن أحساس قلبي محلّه !
ـــ هذي يديني قادره تعتني فيه !